Enter your Email Address to subscribe to our newsletters
राष्ट्रपतेः कार्यक्रमात् पूर्व आद्य सरसंघचालक प्रणामं करिष्यति राममंदिरे आमंत्रितः अतिथिः
अयोध्या,18 मार्चमासः (हि.स.)। माता अमृतानन्दमयी स्वस्य ११०० अधिकैः भक्तैः सह अयोध्यानगरं प्राप्तवती। सा गुरुवासरे राममन्दिरे आयोज्यमाने वर्षप्रतिपदामहोत्सवे भागं ग्रहीष्यति। माता अमृतानन्दमयी सम्पूर्णं राममन्दिरपरिसरं परिभ्रम्य अवलोकनं कृतवती।
एषा सूचना श्रीरामजन्मभूमितीर्थक्षेत्रसमितेः महामन्त्री चंपत राय इत्यनेन प्रदत्ता। बुधवासरे ट्रस्टस्य महासचिवः चंपत राय अवदत् यत् माता अमृतानन्दमयी स्वस्य ११०० अधिकैः भक्तैः सह अयोध्यां प्राप्तवती। अद्य विश्वहिन्दूपरिषदः संरक्षकः निदेशचन्द्रः इत्यनेन सह सा सम्पूर्णं राममन्दिरपरिसरं निरीक्षितवती।
महासचिवः राय अवदत् यत् वर्षप्रतिपदायां गुरुवासरे श्रीरामजन्मभूमिमन्दिरे कार्यक्रमात् पूर्वं आमन्त्रितानां अतिथीनां निवासस्थानानां समीपे नववर्षस्य प्रथमदिने स्वयंसेवकानां समागमः भविष्यति। संघस्य शाखा स्थाप्यते तथा ध्वजप्रणामेन सह आद्यसरसंघचालकप्रणामः अपि क्रियते। राष्ट्रियस्वयंसेवकसंघस्य संस्थापकस्य सम्मानार्थं स्मरणार्थं च एषः प्रणामः क्रियते। आमन्त्रितप्रतिष्ठितजनानां कृते अष्टसु स्थानेषु भोजनव्यवस्था कृताऽस्ति। प्रवेशार्थं मुख्यतः द्वौ द्वारौ निर्धारितौ—बिड़लाधर्मशालायाः सम्मुखे तथा रंगमहलस्य समीपे स्थितः बैरियरः।
आवासव्यवस्थायाः विषये उक्तं यत् मन्दिरस्य पूर्वदिशि पूर्वोत्तरप्रदेशस्य विशिष्टाः अतिथयः निवत्स्यन्ति, तथा रामघाट, दोराहीकूप इत्यादिषु स्थानेषु उत्तराखण्ड, मेरठ, ब्रजप्रदेशादीनां आमन्त्रितानां निवासव्यवस्था कृताऽस्ति। बाह्यात् बसयानैः आगच्छतां निर्माणसहयोगिनां निवासः चूडामणिचौराहस्य समीपे तथा तीर्थक्षेत्रपुरे व्यवस्थितः। मन्दिरआन्दोलनस्य निधिसंकलनस्य च कार्यकर्तारः अपि बहुसंख्यया आमन्त्रिताः, किन्तु स्थानाभावात् केचन न आमन्त्रिताः।
महासचिवः अपि अवदत् यत् अधिकतमं प्रातः दशवादनपर्यन्तं प्रवेशः दास्यते, तथा कार्यक्रमः अपराह्णे पौने द्विवादनपर्यन्तं सम्पन्नः भविष्यति। ततः अनन्तरं आमन्त्रितजनानां दर्शनं करविष्यते। अस्मिन् दिने विशेषदर्शनपत्रं न भविष्यति, किन्तु सामान्यदर्शनं यथावत् प्रचलिष्यति। नवरात्रारम्भात् दर्शनकालः अपि वर्धिष्यते।
तेन उक्तं यत् आमन्त्रितजनाः प्रवेशात् पूर्वं स्वनिवासस्थाने एव जलपानं भोजनं च कृत्वा आगच्छेयुः, तथा प्रत्यागत्य अपि तत्रैव करिष्यन्ति। कार्यक्रमस्थले अपि अल्पाहारव्यवस्था अस्ति, व्रतधारिणां विशेषतया ध्यानं कृतम्। इच्छन्ति चेत् ते तस्मिन्नेव दिने प्रत्यागन्तुं शक्नुवन्ति, अन्यथा निवसित्वा अनन्तरदिने गन्तुं अपि शक्नुवन्ति।
हिन्दुस्थान समाचार