Enter your Email Address to subscribe to our newsletters
नवदिल्ली, १८ मार्चमासः (हि.स.)।प्रधानमन्त्री नरेन्द्रमोदी बुधवासरे कुवैत-देशस्य क्राउन-प्रिन्स शेख़सबा-अल-खालिद अल-हमद अल-मुबारक अल-सबा इत्यनेन सह दूरभाष-संवादं कृत्वा तस्मै अग्रिमस्य ईद्-पर्वणः शुभाशयाः प्रेषितवान्। अस्मिन् समये उभौ नेतारौ पश्चिम-एशिया-प्रदेशस्य परिवर्तमान-स्थितेः विषये विचार-विमर्शं कृत्वा नूतन-घटनाक्रमेषु चिन्तां व्यक्तवन्तौ।
प्रधानमन्त्री-कार्यालयस्य अनुसारं प्रधानमन्त्रीमोदी कुवैतस्य सार्वभौमत्वे तथा क्षेत्रीय-अखण्डतायां कृतानां आक्रमणानां तीव्र-निन्दां कृतवान्। तेन उक्तं यत् होर्मुज-जलडमरूमध्ये सुरक्षितं, निर्बाधं च नौवहनं सुनिश्चितं कर्तुं भारतस्य प्रमुखा प्राथमिकता अस्ति।
उभौ नेतारौ अस्मिन् विषये सहमतौ अभवताम् यत् क्षेत्रीय-शान्तेः स्थैर्यस्य कृते निरन्तराः कूटनीतिक-प्रयत्नाः आवश्यकाः सन्ति।
प्रधानमन्त्रीमोदी कुवैत-देशे निवसतां भारतीय-समुदायस्य सुरक्षायै तेषां कल्याणाय च प्रदत्तस्य सहयोगस्य कृते क्राउन-प्रिन्सं प्रति कृतज्ञतां अपि व्यक्तवान्।
हिन्दुस्थान समाचार