नवदिल्ली, १८ मार्चमासः (हि.स.)।कांग्रेस-सांसदः मनीषः तिवारी उक्तवान् यत् अमेरिका-देशस्य डिपार्टमेंट् ऑफ् होमलैण्ड् सिक्योरिटी इति ताजमहलस्य चित्रस्य उपयोगं कृत्वा अवैध-प्रवासिनः स्वेच्छया स्वदेशं प्रत्यागन्तुं (सेल्फ-डिपोर्टेशन) प्रोत्साहयितुं अभियानं प्रवर्तितम्, यत् निन्दनीयं। तेन उक्तं यत् अस्मिन् विषये भारत-सर्वकारेण स्पष्टः दृष्टिकोणः स्वीकर्तव्यः।

तिवारी संसद-भवन-परिसरे पत्रकारैः सह संवादं कुर्वन् अवदत् यत् यदा भारतीयाः अमेरिका-देशात् निष्कासिताः, तदा ते हस्तशृङ्खलाभिः बद्धाः अमानवीय-रीत्या प्रेषिताः। तथापि भारत-सर्वकारेण किमपि दृढं कार्यं न कृतम्। यदा ८०-वर्षीयाः वृद्धाः अपि निष्कासिताः, तदा अपि सर्वकारतः केवलं मौनम् आसीत्। अधुना समयः अस्ति यत् विदेशमन्त्री तथा सर्वकारः अमेरिका-देशस्य डिपार्टमेंट् ऑफ् होमलैण्ड् सिक्योरिटी इत्यस्मै उत्तरं दद्यात् तथा भारतस्य नागरिकाणां गरिमा रक्षितव्या।उल्लेखनीयम् यत् ट्रम्प-प्रशासनेन मार्चमासे २०२६ तमे अवैध-प्रवासिनः अमेरिका-देशं त्यक्तुं सेल्फ-डिपोर्टेशन-अभियानम् आरब्धम्। अस्यां प्रोत्साहन-योजनायां गृह-प्रत्यागमनार्थं निःशुल्क-विमानयात्रा, २६०० डॉलर-परिमितं निर्गमन-प्रोत्साहन-धनं (प्रायः २.२–२.४ लक्ष-रूप्यकाणि) तथा अनग्रहणेन कठोर-कार्यम् विना नूतन-आरम्भस्य अवसरः प्रदीयते इति उक्तम्।

अस्य अभियानस्य प्रचारार्थं १७ मार्चमासे २०२६ तमे डिपार्टमेंट् ऑफ् होमलैण्ड् सिक्योरिटी इत्यनेन स्वस्य आधिकारिक-एक्स-मध्ये संदेशः प्रकाशितः, यस्मिन् ताजमहलस्य चित्रं संस्थाप्य लिखितम् आसीत्—“भवन्तः स्वगृहं प्रत्यागन्तुं शक्नुवन्ति तथा नूतनं जीवनं आरब्धुं शक्नुवन्ति।”

हिन्दुस्थान समाचार