Enter your Email Address to subscribe to our newsletters
फर्रुखाबादनगरम्, १९ मार्चमासः (हि.स.)। फतेहगढे गुरुवासरे एकस्मिन् व्यक्तिगत-कार्यक्रमे उत्तरप्रदेश-शासनस्य उच्च-शिक्षा-राज्यमन्त्री रजनी-तिवारी पुलिस-उपनिरीक्षक-नियुक्ति-परीक्षायां ‘पण्डित’ शब्दस्य उपयोगात् उत्पन्न-विवादस्य विषये महत्त्वपूर्णं वक्तव्यं दत्तवती। तया एतत् दुर्भावनया प्रेरितम् इति उक्तम् तथा दोषिणां विरुद्धं कठोर-कार्यवाही भविष्यतीति घोषितम्।
रजनी-तिवारी अवदत्— “एषा अतीव अनुचित-घटना अस्ति, एतत् न भवितुम् अर्हति। सर्वत्र केचन जनाः सन्ति ये मन्यन्ते यत् शासनं सम्यक् कार्यं करोति, अतः ते किञ्चित् एतादृशं कर्तुं यत्नं कुर्वन्ति येन तस्य मानः आहतः भवेत् तथा जनानां भावनाः पीड्येरन्। यः कश्चन दोषी भविष्यति तस्य विरुद्धं कठोर-कार्यवाही क्रियते, सः न क्षंस्यते।”
मन्त्रिणा अपि उक्तं यत् शासनस्य वर्धमान-प्रतिष्ठां दृष्ट्वा केचन जनाः भयभीताः सन्ति तथा एतादृशैः घटनाभिः समाजं पीडयितुं प्रयतन्ते। अस्य विषयस्य पूर्ण-निरीक्षणं भविष्यति। एनसीईआरटी-पुस्तकानां निषेध-प्रश्ने सा उच्च-शिक्षायाः गुणवत्तावृद्धेः विषये अपि उक्तवती। तया निर्दिष्टं यत् आङ्गनवाडी-स्तरात् आरभ्य विश्वविद्यालय-पर्यन्तं गुणवत्तापूर्णा शिक्षा प्रदीयते। पूर्वं यत्र अनुकरण-प्रवृत्तिः प्रोत्साहिता आसीत्, अधुना तु यूनां भविष्यं सुसंस्कृतं क्रियते।
हिन्दुस्थान समाचार / अंशु गुप्ता