Enter your Email Address to subscribe to our newsletters
चेन्नई,, 19 मार्चमासः (हि.स.)।
तमिलनाडु-राज्यस्य विधानसभानिर्वाचने सर्वासु २३४ आसन्दीषु एकाकिनः स्पर्धां कुर्वन्ती नाम-तमिलर-काची (एनटीके) इति दलम्अद्य स्वीयं निर्वाचन-घोषणापत्रं प्रकाशितवती। प्रशासनिक-सुविधार्थं तमिलनाडु-राज्यस्य पञ्च-नगराणि राजधानीरूपेण विकसितुं सहितं ४९ महत्त्वपूर्णानि प्रतिज्ञानि तया प्रदत्तानि।
गुरुवासरे एनटीके-पार्ट्याः मुख्य-समन्वयकः सीमान् चेन्नई-नगरे घोषणापत्रं प्रकाशितवान्। अस्य विस्तृतस्य घोषणापत्रस्य परिमाणं प्रायः ४६२ पृष्ठानि अस्ति, यस्मिन् ४९ विषयेषु अनेकानि महत्त्वपूर्णानि प्रतिज्ञानि निर्दिष्टानि। तेषु प्रमुखतया प्रशासनिक-सुविधार्थं पञ्च-नगराणि राजधानीरूपेण विकसितुं प्रतिज्ञा कृता।
सीमानः अवदत् यत् घोषणापत्रे प्रशासनिक-राजधानीरूपेण तिरुचिरापल्ली, प्राविधिक-राजधानीरूपेण चेन्नई, औद्योगिक-राजधानीरूपेण कोयंबटूर, सांस्कृतिक-राजधानीरूपेण मदुरै, आध्यात्मिक-दर्शनिक-राजधानीरूपेण कन्याकुमारी इति नगराणि विकसितुं निर्दिष्टानि। एतानि सर्वाणि नगराणि स्वस्व-क्षेत्रेषु विशिष्टां भूमिकां निर्वक्ष्यष्यन्ति इति तेन उक्तम्।
मुख्य-समन्वयकः सीमान् अपि अवदत् यत् पार्टी-घोषणापत्रे सरकारी-नियुक्तयः, भ्रष्टाचारस्य पूर्ण-उन्मूलनम्, भ्रष्टाचारिणां सर्वेषां जनानां सम्पत्तीनां जप्तिः, जल-संसाधनानां संरक्षणम्, निःशुल्कं शुद्ध-पेयजल-प्रदानम्, विश्वस्तरीय-स्वास्थ्य-सेवाः, महिला-अधिकाराः, दिव्याङ्ग-जनानां कल्याणं च प्राथमिकतया स्थापितम्।
सीमान् उक्तवान् यत् एतत् केवलं निर्वाचन-घोषणापत्रं न, अपितु संभावित-सरकारस्य कार्य-योजना (ब्लूप्रिंट) अस्ति। सः निःशुल्क-योजनानां घोषणां प्रति आलोचनां कृत्वा अवदत् यत् तेषां मुख्य-लक्ष्यं मूलभूत-संरचनात्मक-परिवर्तनानि आनयितुम् अस्ति।
अन्यच्च घोषणापत्रे ६० वर्षात् अधिक-वयस्कानां कृषकाणां कृते पेंशन-प्रदानम्, एकवर्षस्य अन्तरे चरणशः मद्य-विक्रय-केन्द्राणां निरोधनम्, जाति-आधारित-आरक्षणस्य उन्मूलनम् कृत्वा “तमिल-समुदायस्य” प्राथमिकता, महाविद्यालय-विद्यार्थिनां शिक्षा-ऋणस्य पूर्ण-माफी, नदी-जलस्य उपयोगं कुर्वन्तां सॉफ्ट-ड्रिंक-कारखानानां निषेधः, पेयजल-विक्रयस्य निरोधनं कृत्वा सर्वेभ्यः निःशुल्क-जल-प्रदानम्, आङ्ग्ल-माध्यमस्य वैद्यकीय-शिक्षायाः तमिल-भाषायां संचालनम्, तथा भरतिदासन-रचितं “जीवने सीधापनं करणीयम्” इति गीतं तमिल-मातुः अभिनन्दनरूपेण गेयम् इत्यादीनि प्रतिज्ञानि अपि समाविष्टानि।
---------------
हिन्दुस्थान समाचार