Enter your Email Address to subscribe to our newsletters
भोपालम्, 02 मार्चमासः (हि.स.)।
मध्यप्रदेशसर्वकारेण अद्य सोमवासरे जनजातीयबहुले बड़वानीजिले आयोजितायाः कृषिकैबिनेटसभायाः विषयं प्रति प्रदेशकाङ्ग्रेसाध्यक्षः जीतूपटवारी मुख्यमन्त्रिणं डा० मोहनयादवम् प्रति प्रत्यक्षान् प्रश्नान् उपस्थितवान्। तेन उक्तं यत् यदि एषा कैबिनेटसभा वास्तवमेव कृषकानां जनजातीयसमाजस्य च नाम्ना आयोज्यते, तर्हि केवलं घोषणाभिः न, अपि तु स्थलीयस्थितौ दृढकार्यवाही अपेक्षिता।
पटवारी सोमवासरे प्रकाशिते वक्तव्ये अवदत् यत् “बड़वानी केवलं कैबिनेटसभायाः स्थलम् नास्ति, अपि तु प्रदेशस्य जनजातीयमुखम् अस्ति। अत्र क्षेत्रेषु उपविश्य निर्णयग्रहणस्य दावा क्रियते, किन्तु कृषकानां संकटे जनजातीयसमाजस्य पीडायां च सरकार अद्यावधि उदासीनैव वर्तते।”
तेन प्रश्नाः अपि उठिताः यत् गोधूमफसलः कृतः सन् मण्डीषु प्राप्तः अस्ति, तथापि शासकीयक्रयस्य सुदृढा व्यवस्था कुतः न दृश्यते? गोधूम सोयाबीन धानादीनां कृते घोषितस्य वर्धितन्यूनतमसमर्थनमूल्यस्य प्रतिज्ञा कदा पूर्यते? अमेरिकादेशेन सह कृतव्यापारसम्झौतस्य कारणात् सस्त्राणां कृष्युत्पादनानाम् आयातेन मध्यप्रदेशस्य कृषकानां संभावितहानितः संरक्षणार्थं राज्यसरकारस्य का दृढनीतिः अस्ति? ओलावृष्टिः अतिवृष्टिः इत्यादिभिः प्राकृतिकआपदाभिः प्रभावितानां कृषकानां कृते फसलबीमायाः क्षतिपूर्तेः च समये प्रदाने विलम्बः कुतः भवति?
पटवारी उक्तवान् यत् “कृषककल्याणवर्ष २०२६” इति नाम्ना आयोज्यमानायाः अस्याः कैबिनेटसभायाः विषये कृषकाः जनजातीयसमाजश्च अपेक्षां कुर्वन्ति। यदि एतेषां प्रश्नानां उत्तरं न लभ्यते, तर्हि एतत् स्पष्टं भविष्यति यत् सरकारस्य प्राथमिकताः जनहितात् अधिकं सत्तालङ्कारमेव प्रति सन्ति।
---------------
हिन्दुस्थान समाचार