Enter your Email Address to subscribe to our newsletters
नवदिल्ली, 02 मार्चमासः (हि.स)।
नीति आयोग स्वस्य राज्य-सहायता-मिशन (एसएसएम) अन्तर्गतं प्राकृतिक-कृषेः विषये द्विदिवसीयं राष्ट्रियां कार्यशालां आयोजितवान्। अस्मिन् देशस्य सर्वेभ्यः भागेभ्यः कृषकाः, नीति-निर्मातारः, वैज्ञानिकाः, स्टार्टअप-संस्थाः, नागरिकाः च समागत्य सहभागी अभवन्। आचार्य देवव्रत, यः महाराष्ट्रस्य राज्यपालः अपि अस्ति, मृदा-स्वास्थ्य-सुधारे, निवेश-व्यय-न्यूनतायां, कृषक-आय-वृद्धौ च प्राकृतिक-कृषेः भूमिकां विशेषतया प्रतिपादितवान्।
कार्यशालायां प्राकृतिक-कृषेः विषये हिन्दी-अङ्ग्रेजी-भाषयोः प्रशिक्षण-नियमावली उद्घाटिता, यस्य उद्देश्यः कृषकेभ्यः, विस्तार-अधिकारीभ्यः, क्षेत्रीय-कार्यकर्तृभ्यश्च व्यवहारिकं क्षेत्र-सापेक्षं ज्ञानं प्रदातुम् अस्ति। आचार्य-देवव्रतः आभासी-माध्यमेन कार्यशालां सम्बोधितवान्। तेन स्थायि-कृषि-प्रणालीनां महत्त्वं, मृदा-स्वास्थ्य-संरक्षणे, निवेश-व्यय-न्यूनतायां, कृषक-आय-वृद्धौ च प्राकृतिक-कृषेः योगदानं प्रतिपादितम्।
अस्मिन् कार्यक्रमे जूनागढ़ कृषि विश्वविद्यालय, डॉ. वाईएस परमार बागवानी और वानिकी विश्वविद्यालय तथा गुजरात प्राकृतिक कृषि विज्ञान विश्वविद्यालय इत्यादीनां प्रमुख-शैक्षणिक-अनुसन्धान-संस्थानानां सक्रिय-सहभागिता आसीत्। पंजाब, राजस्थान, मध्य प्रदेश, गुजरात, महाराष्ट्र, कर्नाटक, आंध्र प्रदेश, केरल तथा ओडिशा-राज्येभ्यः आगताः कृषकाः, कृषि-अधिकारीणः, कृषि-विज्ञान-केन्द्र-वैज्ञानिकाः च विचार-विमर्शम् अकुर्वन्।
आयोगस्य कथनानुसारम् एपीडा, नाबार्ड, सहकारिता-मन्त्रालयः, पशुपालन-दुग्ध-उत्पादन-विभागः, पर्यावरण-वन-जलवायु-परिवर्तन-मन्त्रालयः, कृषि-प्रौद्योगिकी-अनुप्रयोग-अनुसन्धान-संस्थानम् इत्यादयः केन्द्रीय-संस्थान-अधिकारिणः अपि सहभागिनः अभवन्। अभिसरणम्, प्रमाणीकरणम्, बाजार-संबन्धाः, संस्थागत-समर्थनम् इत्यादिषु तैः स्व-विचाराः प्रस्तुताः। कृषि-क्षेत्रस्य स्टार्टअप-संस्थाः, अग्रणी-कृषकाः, कृषक-उत्पादक-समूहाः च देशे प्राकृतिक-कृषेः संवर्धमान-पर्यावरण-तन्त्रस्य महत्त्वं प्रतिपादितवन्तः।
प्रथम-दिने आयोजितायां मुक्त-चर्चायां ७७० प्रतिभागिनः सहभागिनः अभवन्। अस्मिन् सत्रे कृषकाः विशेषज्ञाश्च प्राकृतिक-कृषेः स्वीकृतिः, प्रमाणीकरणम्, बाजार-सम्बन्धाः, संस्थागत-समर्थनम् इत्यादिषु स्व-समस्याः, क्षेत्रीय-आव्हानानि, शङ्काः च मुक्ततया चर्चितवन्तः। कृषक-नेतृत्व-प्रारूपाणाम् आवश्यकता विषये सामान्य-सम्मतिः अभवत्।
द्वितीय-दिने प्रतिभागिनः क्षेत्र-स्तरे प्राकृतिक-कृषि-पद्धतीनां प्रत्यक्ष-अवलोकनं कृत्वा विशेषज्ञैः सह संवादम् अकुर्वन्। विविध-विदेशी-फसलानां कृते प्राकृतिक-पद्धतयः, क्षेत्रे स्वचालन-प्रणाल्या सह जैव-उपकरण-निर्माण-प्रक्रिया च प्रदर्शिता।
---------------
हिन्दुस्थान समाचार