Enter your Email Address to subscribe to our newsletters
कोलकाता, 02 मार्चमासः (हि.स.)। पश्चिमबङ्गराज्ये आगामिनो विधानसभानिर्वाचनात् पूर्वं नरेन्द्रमोदी महोदयः मार्चमासस्य पञ्चदशे दिने कोलकातानगरस्थिते ब्रिगेडपरेडग्राउण्ड इत्यत्र विशालां महतीं जनसभां संबोधयिष्यति। एषा सभा भारतीयजनतापक्षस्य राज्यएककस्य आयोजिता परिवर्तनयात्रायाः औपचारिकसमापनकार्यक्रमोऽपि भविष्यति। एषा यात्रा रविवासरे राज्यस्य नवसु विभिन्नेषु स्थलेषु आरब्धा। अस्याः यात्रायाः माध्यमेन दलं राज्यस्य सर्वेषु २९४ विधानसभाक्षेत्रेषु गमनं करिष्यति येन राज्ये राजनैतिकवातावरणं उष्णतरं भविष्यति।
भारतीयजनतापक्षस्य एषा महत्त्वाकाङ्क्षिणी यात्रा रविवासरे एव प्रस्थितवती। अद्य सोमवासरे अपि त्रयाणां केन्द्रीयमन्त्रिणां उपस्थितौ यात्रा भविष्यति। किन्तु मार्चमासस्य तृतीये दिने डोलयात्रा तथा चतुर्थे दिने होली उत्सवयोः कारणेन तयोर्दिने यात्रा न भविष्यति। यात्रा पञ्चमे दिने पुनः आरभ्य समग्रं राज्यं परिभ्रम्य मार्चमासस्य पञ्चदशे दिने प्रधानमन्त्रिणः सभया सह समाप्तिं गमिष्यति।
पक्षस्य राज्यसमित्याः एकेन सदस्येन उक्तं यत् कार्यक्रमः प्रधानमन्त्रिणः कार्यालयस्य अन्तिमनिर्देशाधीनः अस्ति अतः अस्मिन् परिवर्तनस्य सम्भावना वर्तते।
अस्यां यात्रायां अमितशाह अपि सहभागी भविष्यति। सः सोमवासरे दक्षिणचतुर्विंशतिपरगनाजिलायाः रायदीघीक्षेत्रे यात्राया आरम्भसमारम्भे उपस्थितः भविष्यति। मूलरूपेण एषा सभा रविवासरे निर्धारितासीत् परं पश्चात् सोमवासराय स्थगिता। मार्चमासस्य पञ्चदशे दिने ब्रिगेडपरेडग्राउण्डस्थले आयोजितायां सभायां तस्य उपस्थितिः भविष्यति वा न वा इति अद्यापि न स्पष्टम्।
अस्यां यात्रायां अन्ये अपि केन्द्रीयनेतारः सक्रियां भूमिकां निर्वहिष्यन्ति। तेषु शिवराजसिंहचौहान, जेपीनड्डा, राजनाथसिंह, नितिनगडकरी, धर्मेन्द्रप्रधान, स्मृतिईरानी तथा देवेंद्रफडणवीस इत्येते समाविष्टाः सन्ति।
राज्यसमित्याः सदस्येन उक्तं यत् एषा यात्रा राज्ये सत्तापरिवर्तनस्य आग्रहं तीव्रं कर्तुं महत् साधनं सिद्धं भविष्यति। प्रधानमन्त्रिणः कोलकातानगरभ्ररणं दलकार्यकर्तॄणाम् उत्साहवर्धनाय तथा मतदातारः आकर्षयितुं च प्रयत्नः अस्ति। आगामिनिर्वाचनानां सन्दर्भे एषः आयोजनः विपक्षदलानामपि आह्वानं प्रस्तुतयिष्यति।-----------
हिन्दुस्थान समाचार