नवदिल्ली, ०२ मार्चमासः (हि.स.)।द्रौपदीमुर्मुराष्ट्रपतिना सोमवासरे दिल्ली-सर्वकारस्य ‘लखपति-बिटिया’ योजना, होली–दीपावली-अवसरे निःशुल्क-गैस-सिलिण्डर-प्रदान-योजना, ‘सहेली पिंक स्मार्ट कार्ड’ योजना तथा ४०,६४२ कन्यानां धनागारेषु १०० कोटि-रूप्यकाणां प्रत्यक्ष-लाभान्तरणस्य (डीबीटी) हस्तान्तरणस्य शुभारम्भः कृतः।

अस्मिन् अवसरे इंदिरागांधी-इंडोर-प्रांगण-स्थिते कार्यक्रमे राष्ट्रपतिना सम्बोधनं कृत्वा उक्तम्— अद्य महिलाः सर्वेषु क्षेत्रेषु स्कन्धेन कन्धं मिलित्वा अग्रे गच्छन्ति। सैनिक-रूपेण देशस्य सीमाः रक्षन्ति, वैज्ञानिक-रूपेण प्रयोगशालासु अनुसन्धानं कुर्वन्ति, क्रीडाक्षेत्रेषु अन्ताराष्ट्रिय-मञ्चेषु भारतस्य त्रिरङ्गं प्रसारयन्ति। राजनीति:, समाजसेवा, प्रशासनं तथा व्यापार-जगति— सर्वत्र महिलाः नूतनानि शिखराणि स्पृशन्ति।अत्रैव विनयकुमार-सक्सेना उपराज्यपालः, रेखा गुप्ता मुख्यमन्त्री, हर्ष-मल्होत्रा केन्द्रीय-राज्यमन्त्री, मनजिंदरसिंह: सिरसा दिल्ली-कैबिनेट-मन्त्री तथा पंकजकुमारसिंह: उपस्थिताः आसन्।

राष्ट्रपतिना अपि उक्तम्—स्त्रीणां शिक्षणं, तासां आत्मविश्वास-वर्धनं, प्रोत्साहनं सहयोगं च दातुं सर्वेषां कर्तव्यम्। अस्माभिः स्व-कन्याभ्यः एषः विश्वासः दातव्यः यत् ताः स्वप्नानि द्रष्टुं तानि च साकारयितुं समर्थाः सन्ति, वयं च ताभि: सह स्थास्यामः।राष्ट्रपतिना उक्तम्—नवदिल्ली देशस्य राजधानी अस्ति; अत्र सर्वे राज्य-प्रदेश-जनाः वसन्ति। यदि दिल्ली-नार्य: सुरक्षिताः, शिक्षिताः, आत्मनिर्भराश्च भविष्यन्ति, तर्हि समाजस्य सर्वेषु क्षेत्रेषु आत्मविश्वासेन नेतृत्वं प्रदास्यन्ति, येन देशे सकारात्मकः सन्देशः प्रसारयिष्यते।

मुख्यमन्त्रिणा कार्यक्रमे सम्बोधिते सति उक्तम्—अद्य दिल्ली-इतिहासे नारी-शक्तेः नाम एकः स्वर्णिमः अध्यायः योजितः। एतत् केवलं योजनानां शुभारम्भः न, अपि तु सम्मानस्य सङ्कल्पः, विश्वासस्य विस्तारः, गृहस्य धुरी-स्वरूपस्य परिवारस्य शक्तेः अभिनन्दनं च। यदा कन्या सशक्ती भवति तदा परिवारः सशक्त: भवति; यदा महिला आत्मनिर्भरा भवति तदा समाजः आत्मविश्वासी भवति; नारी-शक्तेः अग्रसरत्वेन विकसित-दिल्ल्याः मार्गः अधिकं स्पष्टो भवति।

मुख्यमन्त्रिणा अपि उक्तम्—दिल्ली-नारी-शक्तये अवसरः, सुरक्षा, सम्मानं च लभ्यते; एष एव अद्यतनस्य दिवसस्य सन्देशः। नारी-शक्तिः विकसित-दिल्ल्याः नूतन: परिचय: भविष्यति। ताभ्यः भगिन्यः, मातरः, प्रियाः कन्याः— सर्वाभ्यः हार्दिकाः शुभाशयाः दत्ताः। “स्वप्नानि पश्यत, स्व-भविष्यं सुसज्जयत; सर्वेषु पदेषु सर्वकारः भवत्या सह एव अस्ति” इति च अवदत्।

हिन्दुस्थान समाचार / अंशु गुप्ता