Enter your Email Address to subscribe to our newsletters
पटना, 21 मार्चमासः (हि.स.)। बिहार दिवस इति उत्सवः मॉरीशस देशे अपि धूमधामेन उत्साहेन च आचर्यते। तत्र आयोजनस्य सर्वाः सिद्धताः सम्पन्नाः सन्ति। अस्मिन् अवसरे बिहार-सरकारस्य कला-संस्कृति-विभागस्य सचिवः प्रणव कुमार तथा बिहार राज्य पर्यटन विकास निगम इत्यस्य प्रबन्ध-निदेशकः नंद किशोर उच्चस्तरीय-प्रतिनिधिमण्डलेन सह मॉरीशस-देशं प्रति प्रवासे सन्ति।
सचिवः प्रणवकुमारः मॉरीशस-देशस्य प्रतिनिधीन् बिहार-दिवस-अवसरे आयोजितेषु कार्यक्रमेषु सहभागी भवितुं आमन्त्रितवान् तथा भारत-मॉरीशसयोः मध्ये सांस्कृतिक-आदान-प्रदानस्य सुदृढीकरणाय पहलां कृतवान्।
प्रवासस्य कालखण्डे प्रतिनिधिमण्डलेन मॉरीशस-देशस्य राष्ट्रपतिना तथा कला-संस्कृति-पर्यटन-कृषि-मन्त्रिभिः सह सौजन्य-भेटाः कृत्वा द्विपक्षीय-सम्बन्धानां सुदृढीकरणे विषये चर्चा कृता। सभायां प्राचीन-पाण्डुलिपीनां संरक्षणं, डिजिटलीकरणं प्रदर्शनी-व्यवस्था च विषये सहयोग-वृद्धौ विशेषः बलः दत्तः।
प्रतिनिधयः अङ्गीकृतवन्तः यत् पाण्डुलिपयः ऐतिहासिक-सांस्कृतिक-धरोहराः सन्ति, अतः तेषां संरक्षणाय संयुक्त-प्रयत्नाः आवश्यकाः। गिरमिटिया इतिहास सम्बद्धानां पाण्डुलिपीनां संरक्षणाय संग्रहालय-स्थापनस्य प्रस्तावे अपि विचार-विमर्शः कृतः।
सभायां बिहारस्य प्रसिद्धा मिथिला पेंटिंग मॉरीशस-देशे प्रचार-विस्तारे विषये अपि विस्तृत-चर्चा अभवत्। उक्तं यत् तत्र अस्याः कलायाः शिक्षणे महती रुचिः वर्तते। अतः प्रशिक्षण-कार्यशालाः, प्रदर्शनी-कार्यक्रमाः च माध्यमीकृत्य उभयदेशीय-कलाकाराणां संयोजनाय योजना निर्मीयते। तथा च ऑनलाइन-माध्यमेन मिथिला-चित्रकला-शिक्षणस्य सम्भावनाः अपि विचारिताः।
प्रणवकुमारः उक्तवान् यत् मिथिला-चित्रकला बिहारस्य सांस्कृतिक-परिचयः अस्ति, अस्याः अन्तर्राष्ट्रीय-स्तरे प्रतिष्ठापनाय विभागः निरन्तरं प्रयतते।
एतस्मिन् क्रमणि प्रतिनिधिमण्डलेन मॉरीशस-देशस्य पर्यटन-मन्त्रिणा प्रमुख-परिवहन-सञ्चालकैः सह बैठकां कृत्वा ‘पर्सन-टू-पर्सन’ सम्पर्कस्य सुलभीकरणं उत्तम-संयोजन-व्यवस्थां च विकासयितुं बलं दत्तम्।
अयं प्रवासः भारत-मॉरीशसयोः मध्ये सांस्कृतिक-पर्यटन-ऐतिहासिक-सम्बन्धानां नूतनदिशा-प्रदानाय महत्त्वपूर्णः इति मन्यते।------------
हिन्दुस्थान समाचार