Enter your Email Address to subscribe to our newsletters
किशनगंजः, 21 मार्चमासः (हि.स.)। चैत्र-नवरात्रस्य तृतीये दिने शनिवासरे मातुः दुर्गायाः तृतीयस्वरूपायाः माता चंद्रघंटा पूजनं विधिविधानपूर्वकं वैदिकमन्त्रुच्चारणेन सह सम्पन्नम्। अस्मिन् विशेषे दिने नगरे विविधेषु मन्दिरेषु श्रद्धालूनां महती भीड् समजनि, येन भक्तिभावेन मातुः आराधना कृता।
नगरे प्रसिद्धेषु स्थानेषु यथा बड़ीकोठी-दुर्गामन्दिरम्, लोहारपट्टिस्थितं शिवशक्तिधाम, नेपालगढ़-कालोनी, शीतलामन्दिरम् (अस्पतालमार्गः), खगड़ा-दुर्गामन्दिरम्, मनोरञ्जनक्लबः, महाकालमन्दिरम् (रुईधाशा) तथा सुभाषपल्ली इत्यादिषु स्थलेषु मातुः दुर्गायाः पूजनार्चना अनवरतं प्रवर्तते। अनेकत्र कलशस्थापनया सह मातुः दुर्गायाः प्रतिमा अपि स्थापिताः।
महाकालमन्दिरस्य पुरोहितः गुरु साकेत अवदत् यत् मातुः चंद्रघंटायाः पूजनात् भयात् मुक्तिः लभ्यते तथा जीवनस्य सर्वेषु क्षेत्रेषु उन्नतेः मार्गाः उद्घाट्यन्ते। सः अपि उक्तवान् यत् देवी एषा आत्मविश्वासवर्धिनी अस्ति, तस्याः कृपया भक्तानां सर्वाङ्गीणकल्याणं भवति।
माता चंद्रघंटा सिंहवाहने विराजते। तस्याः दशभुजाः त्रिणेत्राणि च सन्ति। अष्टसु हस्तेषु विविधानि दिव्यानि अस्त्रशस्त्राणि धारयति, द्वाभ्यां हस्ताभ्यां च भक्तान् आशीर्वादं ददाति। मान्यता अस्ति यत् तस्याः घण्टाया: प्रचण्डध्वनिना दुष्टशक्तयः भीताः भवन्ति।
अस्मिन् दिने विशेषतः गोदुग्धस्य प्रसादः अर्प्यते, येन सर्वकष्टानां निवारणं भवति। रुईधाशा-महाकालमन्दिरे अपि आद्यदिनात् एव मातुः नियमितपूजनार्चना क्रियते। सायंकाले महिलाः दीपान् प्रज्वालयन्त्यः मातुः आराधनायां सहभागिनो भवन्ति।
हिन्दुस्थान समाचार