Enter your Email Address to subscribe to our newsletters
नवदिल्ली, २१ मार्चमासः (हि.स.) — प्रख्याता ओडिसी-नृत्यांगना तथा गुरु मायाधर-राउतस्य पुत्री मधुमिता-राउतः शनिवासरे प्रातःकाले नवोदिते हृदयाघातेन निधनं प्राप्तवती। सा ५९ वर्षीयासीत्। तस्या: परिवारेण एषा सूचना प्रकटिता।
मधुमिता अल्पायुषि एव नृत्यस्य अध्ययनम् आरब्धवती। सा दिल्ली-नगरस्थिते ‘जयंतिका-मायाधर-राउत-स्कूल्-ऑफ्-ओडिसी-डान्स्’ इत्यस्य निदेशिका भूत्वा नव-वंशाय प्रशिक्षणं दत्तवती।
मधुमिता-राउत: नीदरलैंड-देशे एकस्मिन् मन्दिरे प्रथमं ओडिसी-नर्तकी इव प्रदर्शनं कृत्वा रेकॉर्ड् अपि निर्मितवती। सा शास्त्रीय-नृत्यं जीवन्तं प्रासंगिकं च रक्षितुम् आत्मीय-सृजनात्मक-दृष्टिकोणं तथा समर्पणं प्रदर्शयित्वा विश्वस्य नृत्यांगनाः प्रेरितवती।
सा अंताराष्ट्रिय-स्तरे ओडिसी-नृत्यस्य प्रचारे महत्त्वपूर्णं योगदानं दत्तवती। सा भारत-निर्माणं (१९९७) तथा ओडिशा-लिविंग-लीजेंड् (२०११) पुरस्कारैः सम्मानिता।
हिन्दुस्थान समाचार / अंशु गुप्ता