Enter your Email Address to subscribe to our newsletters
देहरादूननगरम्, २१ मार्चमासः (हि.स.) — रक्षामन्त्री-श्री-राजनाथसिंहस्य हल्द्वानी-आगमने देवभूमेः उत्तराखण्डात् चयनिताः ११२ अधिकाः अग्निवीराः “भारत माता की जय” इति घोषैः तस्य स्वागतम् अकुर्वन्।रक्षामन्त्री उपस्थितान् सर्वान् अग्निवीरान् सम्बोध्य अवदत् — “भारत-जनन्याः रक्षणार्थम् आगच्छतां सर्वेषां भारतीय-सेनायां हार्दिकं स्वागतम्।”
अस्मिन् अवसरे आगतः मुख्यमन्त्री पुष्कर-सिंह-धामी प्रतीकरूपेण चयनितान् अग्निवीरान् तिलकं कृत्वा मातृभूमेः रक्षणाय शुभकामनाः अददात्। एते अग्निवीराः यूथ-फाउण्डेशन-इत्यत्र प्रशिक्षणं कृत्वा सेनायां प्रविशन्ति।
अस्मिन् अवसरे यूथ-फाउण्डेशन-अध्यक्षः कर्नल अजय-कोठियालः उक्तवान् यत् अस्मिन् पर्याये तेषां ७५२ अभ्यर्थिषु ७१० जनाः अग्निवीर-नियुक्तौ चयनिताः। तेन उक्तम् यत् मुख्यमन्त्री-धामिनः प्रेरणया यूथ-फाउण्डेशन उत्तराखण्डस्य युवभ्य: निःशुल्क-प्रशिक्षणं ददाति, लिखित-परीक्षा-शारीरिक-परीक्षयोः अभ्यासं च कारयति, तथा अद्यपर्यन्तं १५,००० अधिकान् यून: सेना, अर्धसैनिक-दलेषु, आरक्षकादिषु च राष्ट्रसेवायै प्रेषितवान्।
रक्षामन्त्री राजनाथसिंहः कर्नल-कोठियालस्य राष्ट्रसेवायाः कार्यस्य प्रशंसां कृतवान् तथा चयनित-अग्निवीरैः सह समूह-छायाचित्रं अपि ग्राहयामास।
उल्लेखनीयम् — कर्नल-अजय-कोठियालः एवरेस्ट-शिखर-विजेता अस्ति तथा सेना-विशिष्ट-पदकैः सम्मानितः। केदारनाथ-आपदायाः अनन्तरं केदार-नगरस्य पुनर्निर्माणे अपि तस्य सेवाः विशेषतया प्रशंसिताः।
हिन्दुस्थान समाचार / अंशु गुप्ता