रुद्रपुरनगम् (उत्तराखण्ड-राज्यम्), २२ मार्चमासः (हि.स.)। एशियन-लीजेण्ड्स-लीग इत्यस्याः संस्थायाः रविवासरे रुद्रपुरे आधिकारिक-पुरस्कारस्य अनावरणं कृतम्। अस्य लीग-इत्यस्य द्वितीय-सत्रं २ जूनमासतः आरभ्यते। अनावरण-समारोहे श्रीलङ्कादेशस्य पूर्व-क्रीडक: थिसारा-परेरा, एञ्जेलो-परेरा, अफगानिस्तानदेशस्य असगर-अफगान:, भारतदेशस्य पूर्व-आलराउण्डर ऋषि-धवन: इत्यादयः बहवः प्रमुख-क्रिकेट-क्रीडाकाः अन्ये च विख्याताः क्रीडाकाः उपस्थिताः आसन्।

कार्यक्रमे थिसारा-परेरा स्पर्धायाः विषये स्वानुभवं उत्साहं च अभिव्यक्तवान्। सः अवदत् यत् गत-सत्रं अत्युत्तमम् आसीत् तथा एतादृशस्य प्रतिस्पर्धात्मक-सुव्यवस्थित-लीग-इत्यस्य अङ्गत्वेन भवितुं अद्भुतम् अनुभवं जातम्। सः अग्रिम-सत्रस्य विषये अपि उत्साहं प्रकटितवान्। तेन उक्तं यत् क्रिकेट-क्रीडायाः स्तरः, क्रीडाकानां मध्ये समन्वयः, प्रशंसकानां च उत्साहः अस्याः लीग-इत्यस्य विशेषतां जनयति।

ऋषि-धवनः अपि प्रशंसकानां समर्थनस्य महत्त्वं निरूपितवान्। सः अवदत् यत् प्रशंसकाः सदा महत्समर्थनं ददति, विशेषतः भारतीय-दलं प्रति, यस्य प्रभावः क्रीडाङ्गणे स्पष्टतया दृश्यते। सः उक्तवान् यत् एतस्मिन् सत्रे अपि तादृशं प्रेम प्रोत्साहनं च प्राप्स्यामः इति आशा अस्ति। वयं तान् गौरवान्वितुं स्वश्रेष्ठं प्रदर्शनं करिष्यामः तथा पुरस्कारस्य विजयः अस्माकं लक्ष्यं भविष्यति।

लीग-इत्यस्य निदेशकः नीरज-कुकरेजा स्वदृष्टिकोणं प्रस्तूय अवदत् यत् एशियन-लीजेण्ड्स-लीग-इत्यस्य स्थापना अस्मिन् विचारे कृता यत् सम्पूर्ण-एशिया-देशस्य अनुभवी-प्रसिद्ध-क्रिकेट-क्रीडकाः एकत्र आनयितव्याः। क्रीडकेभ्यः प्रशंसकेभ्यः च प्राप्ताः प्रतिक्रियाः अत्युत्साहजनकाः आसन्। पुरस्कारस्य अनावरणेन वयं महत्त्वपूर्णं पदं अग्रे गतवन्तः, तथा उच्च-प्रतिस्पर्धा-मनोरञ्जन-मानदण्डान् धारयितुं प्रतिबद्धाः स्मः।

एशियन-लीजेण्ड्स-लीगमध्ये षट् दलानि भविष्यन्ति— इण्डियन-रॉयल्स, श्रीलङ्कन-लायन्स, अफगानिस्तान-पठान, एशियन-स्टार्स, पाकिस्तान-पैन्थर्स, बाङ्ग्लादेश-टाइगर्स इति। एतानि दलानि समग्र-महाद्वीपात् विविध-क्रिकेट-प्रतिभानां प्रतिनिधित्वं करिष्यन्ति। एषा स्पर्धा जून-मासे २०२६ तमे वर्षे आयोजिता भविष्यति। तनाव-परिस्थितेः कारणेन खाडी-देशानां दलानि अस्यां स्पर्धायां भागं न गृह्णन्ति।

हिन्दुस्थान समाचार / अंशु गुप्ता