Enter your Email Address to subscribe to our newsletters
जगदलपुरम्, 22 मार्चमासः (हि.स.)। छत्तीसगढ-राज्यस्य जगदलपुर नगरे “बस्तर-हेरिटेज-मैराथन २०२६” इत्यस्य आयोजनं अद्य रविवासरे उत्साहेन उमङ्गेन च सम्पन्नम्। अस्मिन् अवसरि वन-मन्त्री केदार-कश्यपः, सांसदः महेश-कश्यपः तथा विधायकः किरण-देवः ध्वजप्रदर्शनेन मैराथन-दौडस्य प्रारम्भं कृतवन्तः।
लालबाग-क्रीडांगणे आयोजिते अस्मिन् मैराथने देश-विदेशात्, प्रदेशात्, संभागात् च आगताः धावकाः सहभागित्वा आयोजनं सफलं कृतवन्तः। धावकान् प्रोत्साहितुं जुंबा-नृत्यस्य आयोजनम् अपि कृतम्, यस्मिन् बहवः प्रतिभागिनः उत्साहपूर्वकं भागं गृहीतवन्तः।
अस्मिन् कार्यक्रमे मांझी-चालकी, महापौरः संजय-पाण्डेयः, ब्रेवरेज-कॉर्पोरेशन-अध्यक्षः श्रीनिवास-मद्दी इत्यादयः गणमान्याः जनप्रतिनिधयः अधिकारीणः च उपस्थिताः आसन्। एतेषु कमिश्नरः डोमन-सिंहः, बस्तर-आईजी सुन्दरराजः, कलेक्टरः आकाश-छिकारः, पुलिस-अधीक्षकः शलभ-सिन्हः, वनमण्डलाधिकारी उत्तम-गुप्तः, जिला-पञ्चायत-सीईओ प्रतीक-जैनः च अन्तर्भवन्ति।
अस्मिन् काले अधिकाधिक-प्रतिभागिनां सहभागिता सुनिश्चितुं जिला-प्रशासनेन विस्तृताः सुव्यवस्थिताः च व्यवस्थाः कृताः। मैराथन-मार्गे स्थान-स्थानान्तरेषु धावकानां कृते पेय-जलम्, फलानि, ऊर्जा-पेयम्, प्राथमिक-स्वास्थ्य-सुविधाः च व्यवस्थिताः आसन्, येन तेषां किमपि असुविधा न जातम्। स्वास्थ्य-दलानां नियुक्तिः अपि कृता आसीत्, येन आवश्यकतायां त्वरितं चिकित्सासाहाय्यं दातुं शक्येत।
तथा च मैराथन-काले विभिन्नेषु स्थलेषु स्थानीय-नर्तक-दलैः आकर्षकाः सांस्कृतिक-प्रस्तुतयः प्रदत्ताः, याभिः धावकानां दर्शकानां च उत्साहः द्विगुणितः अभवत्। पारम्परिक-नृत्यैः लोक-संस्कृतेः दर्शनं जातम्, येन आयोजनं विशेषतया मनोहरं जातम्।
अनेन सफल-आयोजनेन केवलं क्रीडाभावनायाः संवर्धनं न कृतम्, अपि तु बस्तर-प्रदेशस्य समृद्धा सांस्कृतिक-परम्परा अपि प्रभावकरूपेण प्रदर्शिता।
---------------
हिन्दुस्थान समाचार