जगदलपुरम्, २२ मार्चमासः (हि.स.)। भारतीय-जनता-पक्षेण कार्यकर्तृणां प्रशिक्षणार्थं जनपदे प्रत्येक-मण्डले प्रशिक्षण-कार्यशालाः आयोज्यन्ते। अद्य रविवासरे ग्राम-आसने सरगीपाल-मण्डलस्य कार्यकर्तृणां द्विदिवसीय-प्रशिक्षण-वर्गः आयोजितः। अस्मिन् विशेषतया भाजपा-प्रदेशाध्यक्षः किरण-सिंह-देवः उपस्थितः आसीत्।

कार्यशालां सम्बोधयन् भाजपा-प्रदेशाध्यक्षः किरण-देवः उक्तवान् यत् भाजपाया: शक्तिः तस्याः देवतुल्याः कार्यकर्तारः एव सन्ति। राष्ट्रसेवा जनसेवा च भाजपाया: मूलमन्त्र: अस्ति। अस्माकं कार्यकर्तारः प्रशिक्षिताः भूत्वा अधिकं निपुणाः स्युः, तेषां कार्यक्षमता च वर्धेत्—एतदर्थं पण्डित-दीनदयाल-उपाध्याय-प्रशिक्षण-महाभियानस्य अन्तर्गतं प्रशिक्षण-कार्यशालाः आयोज्यन्ते। प्रशिक्षणेन कार्यकर्तारः संगठनस्य नीति-सिद्धान्तैः जनसेवा-संस्कारैः च समृद्धाः भविष्यन्ति तथा पार्टी-नीतयः सरकारस्य योजनाश्च जनं जनं प्रति प्रभावेन प्रापयितुं समर्थाः भविष्यन्ति।

भाजपा-जनपदाध्यक्षः वेदप्रकाश-पाण्डेयः प्रारम्भिक-उद्बोधनं कृतवान्। प्रशिक्षण-कार्यशालायां श्रीनिवास-मिश्रः “अस्माकं इतिहासः तथा विकासः” इति विषये विस्तरेण विवरणं दत्तवान्। द्विदिवसीये अस्मिन् कार्यक्रमे श्वः सोमवासरे छत्तीसगढस्य सांस्कृतिक-परम्परा-विषये सांसदः महेश-कश्यपः, “कार्य-विस्तारस्य विषये अस्माकं दृष्टिः” इति विषये ब्रेवेरेज-कार्पोरेशन-अध्यक्षः श्रीनिवासन-राव-मड्डी, “वैचारिक-अनुष्ठानम्” इति विषये डॉ.सुभाऊ-कश्यपः, कार्य-पद्धतिः इति विषये शेष-नारायण-तिवारी, “सर्वकारस्य उपलब्धयः तथा क्रियान्वयनम्” इति विषये पूर्व-सांसदः दिनेश-कश्यपः, बूथ-प्रबन्धन-विषये सुधीर-पाण्डेयः, सोशल-मीडिया-विषये पंकज-आचार्यः च सम्बोधनं करिष्यन्ति।

भाजपा-सरगीपाल-मण्डल-प्रशिक्षण-कार्यशालायां श्रीनिवास-राव-मड्डी, रामाश्रय-सिंहः, जिला-महामन्त्री रजनीश-पाणिग्रही, परीस-बेसरा, जिला-उपाध्यक्षः आर्येन्द्र-आर्यः, ललिता-बघेल, सफीरा-साहू, सोनबारी-भद्रे, मण्डलाध्यक्षः पुरुषोत्तम-जोशी, संतोष-बिसाई, रोहित-त्रिवेदी, रामू-बघेल, प्रकाश-झा, अभिलाष-श्रीवास्तवः इत्यादयः बहवः कार्यकर्तारः उपस्थिताः आसन्।

हिन्दुस्थान समाचार / अंशु गुप्ता