चण्डीगढम्, २२ मार्चमासः (हि.स.)। पञ्जाब-वेयरहाउस-इत्यस्य जनपद-प्रबन्धकस्य आत्महत्या-प्रकरणे शनिवासरे अमृतसरे रात्रिपर्यन्तं कोलाहल: अभवत्। विवादस्य वृद्धिं दृष्ट्वा पञ्जाब-आरक्षकै: रविवासरस्य प्रातःकाले पूर्व-परिवहनमन्त्री लालजीतसिंह-भुल्लरः, तस्य पिता तथा निजी-सचिवः च इत्येतेषां विरुद्धं प्रकरणं पञ्जीकृतम्।

अस्मात् पूर्वं मुख्यमन्त्री भगवंतमानः मुख्यसचिवात् डीजीपी च अस्य विषये प्रतिवेदनं प्राप्नोत्। विपक्ष-दलानि—काङ्ग्रेस:, अकाली-दलं, भाजपादलम्—रविवासरे मुख्यमन्त्रिणः आवासं निरोद्धुं घोषणां कृतवन्तः।

पञ्जाब-वेयरहाउसिंगस्य जनपद-प्रबन्धकः गगनदीपसिंह-रन्धावा लालजीतसिंह-भुल्लरस्य उत्पीडनस्य आरोपं कृत्वा आत्महत्यां कृतवान्। शनिवासरे रन्धावायाः मृत्योरनन्तरं पञ्जाबस्य राजनीतिः उष्णा अभवत्। अकाली-दलस्य अध्यक्षः सुखबीर-बादलः, विपक्ष-नेता प्रतापसिंह-बाजवा, भाजपादलस्य अध्यक्षः सुनील-जाखडः अमृतसरं प्राप्य शासनस्य विरुद्धं आन्दोलनस्य घोषणां कृतवन्तः।

विपक्षस्य बलानन्तरं शासनम् तत्कालं प्रभावेन लालजीत-भुल्लरस्य त्यागपत्रं स्वीकृतवान्। रन्धावायाः परिजनाः तथा विपक्ष-दलानि लालजीत-भुल्लरस्य तस्य सहयोगिनां च विरुद्धं प्रकरण-पञ्जीकरणस्य आग्रहं कृतवन्तः। मृतकस्य परिजनाः शनिवासरस्य सायंकाले शवग्रहणं अस्वीकृतवन्तः।

अनन्तरं अद्य प्रातःकाले पञ्जाबस्य पूर्वमन्त्री लालजीतसिंह-भुल्लरः, तस्य पिता सुखदेव-भुल्लरः तथा निजी-सचिवः दिलबागसिंहः विरुद्धं प्रकरणं पञ्जीकृतम्। तेषां विरुद्धं भारतीय-न्याय-संहितायाः धारा १०८ (आत्महत्यायाः प्रोत्साहनम्), ३५१(३) (प्राणघातक-धमकी) तथा ३(५) (अपराधे सहभागिता) इत्यादयः आरोपाः स्थापिताः। आरक्षकविभाग: एतत् प्रकरणं रन्धावायाः पत्नी उपिन्दर-कौरस्य अभियोगस्य आधारेण पञ्जीकृतवान्।

पत्नी उक्तवती यत् भुल्लरेण तस्यै संचेतना दत्ता— “गैंगस्टर इति मया पालिताः सन्ति, तव परिवारस्य विनाशाय केवलं एकः संकेतः पर्याप्तः। यदि त्वं मम नियमानां न पालनं करोषि, तर्हि जीवितुं तव अधिकारः नास्ति, विषं पिब।” इत्यनन्तरं तस्याः पतिः आत्महत्यां कृतवान्।

हिन्दुस्थान समाचार / अंशु गुप्ता