Enter your Email Address to subscribe to our newsletters
नवदिल्ली, २२ मार्चमासः (हि.स.)। अमेरिका-इजराइल-ईरानदेशानां मध्ये प्रवर्तमानायाः चिन्तायाः सत्यपि एयर-इण्डिया तथा एयर-इण्डिया-एक्सप्रेस इत्येतौ २३ मार्चमासे पश्चिम-एशियादेशान् प्रति आहत्य ३० विमानानि सञ्चालयितुं निर्णयं कृतवन्तौ। विमान-निर्माण्या आधिकारिक-वक्तव्ये उक्तं यत् एतानि विमानानानि निर्धारित (शिड्यूल्ड्) तथा अनिर्धारित (नॉन-शिड्यूल्ड्) इति उभय-प्रकारेषु भविष्यन्ति।
एयर-इण्डिया-समूहः जेद्दा-नगरं प्रति १० विमानानि सञ्चालयिष्यति। एतेषु दिल्ली-मुम्बई-नगराभ्यां एयर-इण्डिया-सेवाः समाविष्टाः सन्ति, यदा तु एयर-इण्डिया-एक्सप्रेस बेंगलुरु-कोझिकोड-मङ्गलुरु-नगरेभ्यः सेवाः प्रदास्यति।
एयर-इण्डिया-एक्सप्रेस मस्कट-नगरं प्रति चत्वारि तथा रियाद-नगरं प्रति अपि चत्वारि विमानानि सञ्चालयिष्यति। तदतिरिक्तं संयुक्त-अरब-अमीरात् तथा सऊदी-अरब-देशयोः कृते १२ अतिरिक्तानि अनिर्धारित-विमानानि सञ्चालयिष्यन्ते, यानि परिचालन-स्थितेः तथा स्लॉट्-उपलब्धतायाः उपरि आश्रितानि भविष्यन्ति।यूएई-देशे दुबई, अबू-धाबी तथा शारजाह-नगराणि प्रति विशेष-विमानानि सञ्चालयिष्यन्ते। एयर-इण्डिया दिल्ली-दुबई मार्गे सेवां प्रदास्यति, यदा तु एयर-इण्डिया-एक्सप्रेस दिल्ली, मुम्बई तथा मङ्गलुरु-नगरेभ्यः संयोजन-सेवां सुनिश्चितं करिष्यति।
तथापि दोहा, कुवैत-नगरं तथा तेल-अवीव-नगरं समेत्य बहुषु गन्तव्येषु विमानानि अद्यतन-स्थितौ स्थगितानि भविष्यन्ति।
विमान-निर्माण्या प्रभावित-यात्रिणः विना कस्यचित् अतिरिक्त-शुल्कस्य चिटिका-पुनर्बुकिंग् अथवा पूर्ण-धन-प्रत्यावर्तनस्य विकल्पः प्रदत्तः। सह एव व्हाट्सऐप् तथा ग्राहक-समर्थन-सेवया साहाय्यं अपि प्रदीयते।
एयर-इण्डिया-समूहः अवदत् यत् सः परिस्थितेः उपरि सततं दृष्टिं स्थापयति तथा आवश्यकतायां सति अतिरिक्त-विमानानि अपि सञ्चालयितुं विचारं करोति, येन यात्रिणां न्यूनतम-असुविधा भवेत्।
हिन्दुस्थान समाचार / अंशु गुप्ता