नवदिल्ली, २३ मार्चमासः (हि.स.)।गुजरातस्य मुख्यमन्त्रिणः तथा प्रधानमन्त्रिणः रूपेण नरेन्द्रमोदिना शासनस्य प्रमुखरूपेण ८,९३१ दिनानि पूर्णानि कृतानि इति कारणेन सोमवासरे दिल्लीविधानसभायाम् अभिनन्दनप्रस्तावः प्रस्तुतः।

दिल्लीविधानसभाध्यक्षः विजेन्द्रगुप्तः सदनं सम्बोध्य देशस्य सर्वाधिक-सेवाकालीनं शासनप्रमुखं नरेन्द्रमोदिनं हार्दिकम् अभिनन्दनम् अकरोत्। सः अवदत् यत् प्रधानमन्त्री मोदी गुजरातस्य मुख्यमन्त्रिणः तथा देशस्य प्रधानमन्त्रिणः रूपेण स्वकार्यकालं संयोज्य ८,९३१ दिनानि शासनप्रमुखरूपेण सेवाकालं पूर्णं कृतवान्, येन सिक्किमस्य पूर्वमुख्यमन्त्रिणः पवनकुमार-चामलिङ्गस्य ८,९३० दिनानां अभिलेखः अतिक्रान्तः। एतत् केवलं संख्या नास्ति एतत् पञ्चविंशतिवर्षीयायाः अखण्डजनसेवायाः प्रमाणम् अस्ति।

विजेन्द्रगुप्तः अवदत् यत् ७ अक्टोबरमासे २००१ तमे गुजरातस्य मुख्यमन्त्रीपदस्य शपथग्रहणात् आरभ्य २६ मईमासे २०१४ तमे प्रधानमन्त्रीत्वं प्राप्तिपर्यन्तं- मोदिनः यात्रा एकनिष्ठसमर्पणस्य यात्रा आसीत्। सः प्रथमः अकाङ्ग्रेसपक्षीयः प्रधानमन्त्री अस्ति, येन लोकसभायां पूर्णबहुमतेन निरन्तरं द्वौ कार्यकालौ पूर्णीकृतौ, तृतीयवारं च पुनः सत्तां प्राप्तवान्। तस्य नेतृत्वे भारतदेशे २५ कोट्यधिकाः जनाः दारिद्र्यात् बहिरागताः देशश्च विश्वस्य चतुर्था बृहत्तमा अर्थव्यवस्था अभवत्।

हिन्दुस्थान समाचार / अंशु गुप्ता