Enter your Email Address to subscribe to our newsletters
नव दिल्ली, 23 मार्चमासः (हि.स.)। सर्वकारेण अद्य त्रयः उपक्रमाः आरब्धाः, येषां अन्तर्गतं देशे निर्मीयमाणेषु सर्वेषु दूरदर्शनयन्त्रेषु अनिवार्यतया सेटटॉपबॉक्सः संयोजितः भविष्यति, येन चत्वारिशताधिकानि दूरदर्शनचैनलानि निःशुल्कं द्रष्टुं शक्यन्ते। राष्ट्रियकृत्रिमबुद्धिमत्ता कौशलोपक्रमस्य अन्तर्गतं विषयवस्तुनिर्मातृभ्यः पञ्चदशसहस्रेषु प्रयोगशालासु माध्यमेन सृजनात्मकश्रव्यदृश्यविषयवस्तुनिर्माणे कृत्रिमबुद्धिमत्तायाः उपयोगस्य प्रशिक्षणकार्यक्रमः सहैव प्रदर्शनार्थं डिजिटलमञ्चस्य शुभारम्भः कृतः।
रेलसूचनाप्रसारणइलेक्ट्रॉनिक्ससूचनाप्रौद्योगिकीमन्त्री अश्विनी वैष्णवः अत्र रेलभवने आयोजिते संक्षिप्तकार्यक्रमे माईवेब्स डिजिटलमञ्चं दूरदर्शनट्यूनरं उन्नतईपीजी तथा राष्ट्रियकृत्रिमबुद्धिमत्ताकौशलोपक्रमं च उद्घाटितवान्। अस्मिन् अवसरः सूचना प्रसारण सचिवः संजय जाजू प्रसारभारत्याः मुख्यकार्यकारी अधिकारी गौरव द्विवेदी यूट्यूबइण्डिया तथा गूगलइण्डियायाः अधिकारीणः च उपस्थिताः आसन्।
अस्मिन् अवसरः अश्विनी वैष्णवः उक्तवान् यत् एते त्रयः उपक्रमाः प्रधानमन्त्री नरेन्द्र मोदी इत्यस्य दृष्टिकोणं बलयन्ति, यत्र सः प्रौद्योगिक्याः तथा तकनीकीमञ्चानां लोकतंत्रीकरणं आवश्यकम् इति मन्यते। तस्य विचारः अस्ति यत् सर्वेषु गृहेषु निःशुल्कं उच्चगुणवत्तायुक्तं विषयवस्तु प्राप्नुयात्। सः उक्तवान् यत् अधुना दूरदर्शने विभिन्नचैनलानां दर्शनाय पृथक् सेटटॉपबॉक्सस्य आवश्यकता न भविष्यति। देशस्य सर्वे दूरदर्शननिर्मातारः शतशः यन्त्राणि विपण्यां स्थापितवन्तः, येषु लघु दूरदर्शनट्यूनरकार्डः संयोजितः अस्ति, तेन च प्रायः साढ़ेचारिशतचैनलानि निःशुल्कं द्रष्टुं शक्यन्ते।
वैष्णवः उक्तवान् यत् माईवेब्स डिजिटलमञ्चस्य माध्यमेन भारते ऑरेंजइकोनॉमी इत्यस्य संवर्धनाय प्रयासः सुदृढः भविष्यति। भारतीयसृजनात्मकप्रौद्योगिकीसंस्थानस्य सहयोगेन देशे पञ्चदशसहस्राणि प्रयोगशालाः उद्घाट्यन्ते, यत्र उद्योगः विद्यार्थी च संस्थानं च एकत्र आगत्य गुणवत्तापूर्णविषयवस्तुनिर्माणं प्रोत्साहयिष्यन्ति तथा डिजिटलविपणिं उपलब्धां करिष्यन्ति। सः उक्तवान् यत् क्रियेटर्सकॉर्नर उपक्रमः सफलः अभवत् तथा शीघ्रमेव श्रव्यविषयवस्तुनिर्मातृभ्यः आकाशवाण्यां अन्येषु डिजिटलमञ्चेषु च अवसराः प्रदास्यन्ते।
सूचनाप्रसारणस्य सचिवः संजय जाजू उक्तवान् यत् त्रयः प्रमुखोपक्रमाः राष्ट्रियकृत्रिमबुद्धिमत्ताकौशलोपक्रमः माईवेब्समञ्चः दूरदर्शनट्यूनरः उन्नतईपीजी सहितः च सरकारस्य व्यापकउद्देश्यान् अनुरूपाः सन्ति। सः कृत्रिमबुद्धिमत्ताकौशलोपक्रमे सहभागितायै यूट्यूब तथा गूगल संस्थाभ्यां प्रति कृतज्ञतां व्यक्तवान्।
जाजू उक्तवान् यत् अधुना सर्वाणि दूरदर्शनयन्त्राणि अन्तर्निर्मितडीटूएच फ्रीडिश प्रणालीसहितानि भविष्यन्ति, येन पृथक् सेटटॉपबॉक्सस्य आवश्यकता न भविष्यति, यद्यपि डिशस्थापनं आवश्यकं भविष्यति। सः उक्तवान् यत् विषयवस्तुनिर्मातारः विशेषतः युवानः माईवेब्समञ्चस्य सक्रियतया उपयोगं कुर्वन्ति, अन्यानपि जनान् अस्य अवसरस्य लाभं स्वीकर्तुं प्रेरयन्ति। एषः मञ्चः विषयवस्तुनिर्मातॄन् न केवलं निर्माणे, अपि तु अपलोडकरणे साझाकरणे च समर्थान् करोति, येन निर्मातारः तथा सरकारः उभौ विविधासु परिस्थितिषु लाभं प्राप्नुतः।
-------------
हिन्दुस्थान समाचार