जम्मूः 23 मार्चमासः (हि.स.)।

केंद्रीयगृहसचिवः गोविन्दमोहनः सोमवासरे जम्मूकाश्मीरप्रदेशे सुरक्षास्थितेः मूल्यांकनं कर्तुं तथा वित्तवर्षस्य 2026–27 कृते जम्मूकाश्मीरपुलिसदलस्य वित्तीयस्थितेः आवश्यकतानां च समीक्षा कर्तुं उच्चस्तरीयसभायाः अध्यक्षतां करिष्यति।

आधिकारिकस्रोतांसि उक्तवन्तः यत् अपराह्णे 2:30 वादने नियोजिता एषा सभा नूतनदिल्लीतः वीडियोसम्मेलनमार्गेण आयोजिता भविष्यति, यस्मिन् केन्द्रशासितप्रदेशस्य प्रमुखनागरिकपुलिसअधिकारीणः सहभागी भविष्यन्ति। स्रोताः अवदन् यत् मुख्यसचिवः अटलदुल्लू, गृहसचिवः चन्द्रकरभारती, पुलिसमहानिदेशकः नलिनप्रभातः, पुलिसमुख्यालयस्य वरिष्ठअधिकारिणः तथा जम्मूकाश्मीरयोः उभयोर्जोनयोः आईजीपी सहिताः वरिष्ठाः अधिकारीणः सभायां भागं गृह्णन्ति।

एषा समीक्षा महत्त्वपूर्णा अस्ति, यतः सुरक्षाबलानि आतंकवादिनां अन्वेषणार्थं तथा तेषां समर्थनजालस्य विनाशार्थं उच्चप्रदेशेषु वनप्रदेशेषु च तलाशीअभियानानि तीव्रीकृतवन्ति। एषा सभा वित्तवर्षस्य 2025–26 अन्तस्य समीपे आयोजिता भवति। स्रोताः अवदन् यत् केंद्रीयगृहसचिवेन प्रचलमानानां आतंकवादविरोधीअभियानानां समीक्षा क्रियमाणा भविष्यति, विशेषतः जम्मूमण्डलस्य पर्वतीयप्रदेशेषु यत्र विदेशीयआतंकवादिनां उपस्थितेः संशयः अस्ति।

ग्रीष्म-ऋतौ आगच्छन्त्यां सुरक्षासंस्थाः एतेषु प्रदेशेषु अभियानानि अधिकं तीव्राणि कर्तुं शक्नुवन्ति। आतंकवादिनां सहायकरूपेण कार्यं कुर्वन्तीनां ओवरग्राउंडवर्कर्स इत्याख्यानां जालस्य भूमिकायाः तथा तेषां विनाशप्रयत्नानां विषये अपि चर्चा भविष्यति।

---------------

हिन्दुस्थान समाचार