Enter your Email Address to subscribe to our newsletters
गुवाहाटी, 24 मार्चमासः (हि.स.)।
असमप्रदेशस्य भाजपादलस्य प्रदेशाध्यक्षः दिलीपसैकिया नाम कांग्रेससंसदम् गौरवगोगोई प्रति तीक्ष्णं प्रहारं कृत्वा उक्तवान् यत् गौरवगोगोई असमीयभाषां सम्यक् वक्तुं न जानाति अतः तेन अन्येषां विषये टिप्पणीकरणात् निवर्तितव्यम्।
गतायां रात्रौ माध्यमान् प्रति सम्बोधनं कुर्वन् सैकियः गोगोईस्य भाषिकक्षमतायाः विषये प्रश्नान् उपस्थितवान् तथा आरोपितवान् यत् कांग्रेसनेतुः असमीयभाषायां वक्तुं क्लेशः भवति। सः अपि उक्तवान् यत् गोगोई सामान्य-असमीयशब्दान् अभिव्यक्तीः च सम्यक् प्रकारेण उपयोक्तुं न शक्नोति।
असमविधानसभानिर्वाचनानां सन्निकर्षे राज्ये राजनैतिकवक्तव्येषु तीव्रता वर्धिता अस्ति, तथा च अस्मिन् सन्दर्भे भाजपादलस्य कांग्रेसदलेन सह आरोप-प्रत्यारोपाणां क्रमः अनुवर्तते।
हिन्दुस्थान समाचार