पटना, 24 मार्चमासः (हि.स.)। चैतीषष्ठीपर्वणः अवसरे अद्य व्रतधारिण्यः अस्ताचलगामिनं भगवानं भास्करं प्रति प्रथमम् अर्घ्यं अर्पयिष्यन्ति। अस्य निमित्तेन सम्पूर्णे प्रान्ते नदीषु, तालाबेषु तथा विविधेषु छठ घाटेषु प्रशासनद्वारा व्यापकाः व्यवस्थाः कृताः सन्ति।

घाटानां शुद्धिकरणकार्यं अन्तिमचरणे सम्पन्नम् अस्ति। श्रद्धालूनां सुविधार्थं प्रकाशव्यवस्था, पेयजलव्यवस्था, बैरिकेडिंग तथा अस्थायिशौचालयानां व्यवस्था सुनिश्चिता कृता अस्ति।

सुरक्षाव्यवस्थायामपि विशेषसावधानता पाल्यते। संभावितजनसमूहं दृष्ट्वा विविधेषु घाटेषु दण्डाधिकाऱिभिः सह पुलिसपदाधिकाऱिणः तथा जवानाः नियुक्ताः सन्ति। अपि च जलाशयेषु आपत्कालीनस्थितेः निवारणार्थं गोताखोराः अपि नियुक्ताः सन्ति।

प्रशासनद्वारा श्रद्धालुभ्यः अपीलः कृतः यत् ते निर्धारितघाटानामेव उपयोगं कुर्वन्तु तथा सुरक्षामानकानां पालनं कृत्वा पर्वं शांतिपूर्णतया सम्पन्नयन्तु।

गौरवणीयम् अस्ति यत् चैती छठ पर्वस्य द्वितीये दिने सायंकालीनम् अर्घ्यं, अनन्तरं परदिने उदयमानसूर्याय अर्घ्यदानं कृत्वा एषः चतुर्दिवसीयः लोकआस्थायाः महापर्वः सम्पन्नो भवति।

अस्मिन् एव क्रमेन पटना जिलाप्रशासनेन चैती छठ पूजा 2026 इत्यस्य सन्दर्भे जनसुविधार्थं यातायातयोजना अपि प्रकाशिता अस्ति। कस्यापि सूचनायाः कृते चतुर्विंशतिघण्टा कार्यरतः जिलानियन्त्रणकक्षः 0612 2219810 2219234 अथवा डायल 112 इत्यनेन सम्पर्कः कर्तुं शक्यते।

---------------

हिन्दुस्थान समाचार