चेन्नईनगरम्, २४ मार्चमासः (हि.स.)।चेन्नईनगरस्य प्रमुखतया राजनैतिकदृष्ट्या अत्यन्तं महत्त्वपूर्णं कोलाथूरविधानसभाक्षेत्रम् अस्मिन् समये तमिलनाडु-राजनीतेः केन्द्रं जातम् अस्ति। एतत् आसनं राज्यमुख्यमन्त्री एम.के.स्टालिनस्य निर्वाचनक्षेत्रं इति कारणेन राज्यस्य चर्चितासनेषु गण्यते। २०२६ विधानसभा-निर्वाचनस्य दृष्ट्या अत्र शासन-गतिविधयः तीव्रतां प्राप्तवन्तः।

कोलाथूर-विधानसभाक्षेत्रस्य गठनम् २००८ वर्षे पेरंबूर-विल्लिवक्कम्-विधानसभा-क्षेत्रयोः किञ्चन-भागानां मेलनेन जातम्। २०११ वर्षात् आरभ्य एतद् आसनं विधानसभा-निर्वाचनस्य भागम् अभवत्, ततः निरन्तरं मुख्यमन्त्री एम.के.स्टालिनः एतस्मात् आसनात् जयति। अतः एतत् द्रमुक्-गठबन्धनस्य “स्टार-कंस्टीट्यूएंसी” इति अपि कथ्यते।अग्रिम-निर्वाचनस्य दृष्ट्या कोलाथूरे त्रिकोणीय-संघर्षस्य संकेताः दृश्यन्ते।

• प्रथमम् - सत्तारूढः द्रविडमुनेत्रकडगम् (द्रमुकः)। • द्वितीयम् – अखिलभारतीयः अन्ना-द्रविड-मुनेत्र-कडगम् (अन्नाद्रमुक्) नेतृत्वम्। • तृतीयम् – अभिनेतुः विजयस्य तमिलगा-वेत्री-कडगम् (टीवीके) प्राङ्गणं प्रति आगमनम्।

एतत् क्षेत्रं चेन्नईनगरे नगर-मिश्रित-सामाजिक-संरचनायुक्तः अस्ति। अत्र मध्यमवर्गीयाः तथा आर्थिकदृष्ट्या दुर्बलाः जनाः अधिकसंख्यया निवसन्ति। दिहाड़ी-श्रमिकः, लघु-व्यापारी, अल्पसंख्यक-समुदायः, अनुसूचितजातयः च अन्य-पृष्ठवर्गाः निर्णायक-मतदाता भूमिकां वहन्ति।

कोलाथूरविधानसभा-क्षेत्रे प्रायः २.०८ लक्षं मतदातारः सन्ति, येषां पुरुष-मतदाता १ लक्षं, महिला-मतदाता १.०८ लक्षं सन्ति।मुख्यमन्त्री निर्वाचनक्षेत्रं सत्त्वेऽपि स्थानीयस्तरे अनेकाः समस्याः विद्यमानाः - दुष्टुमार्गाः, जलपूर्तिः, दुर्बला नालिका तथा नालिकाव्यवस्था। वर्षायामे वर्षार्द्रतया वन्या-स्थितिः तथा निकासव्यवस्थायाः अभावः जनानां असन्तोषं जनयति।

स्थानीयजनाः उक्तवन्तः - बुनियादी-सुविधासु संशोधनम् आवश्यकम्, समस्यानां स्थायी समाधानं न जातम्।

अन्यस्मिन् पार्श्वे, क्षेत्रे बहूनि विकासकार्याणि अपि प्रवर्तन्ते - तडागानां पुनरुद्धारः, नूतनमार्गाणां निर्माणम्, उद्यानस्य विकासः, पुस्तकालयाः, लघु-क्रीडाप्राङ्गणाः, आवास-योजनाः च। सर्वकारः कथयति यत् क्षेत्रे सततं विकासकार्यं क्रियते।

विपक्षीयाः आरोपयन्ति - विकासकार्ये विलम्बः जातः, काश्चन योजनाः प्रभावकारीरूपेण न कार्यान्विताः, अन्याः योजनाः अपि प्रष्टव्याः।

कोलाथूरे द्रमुक्-जनाधारः दृढः इति मान्यते, मुख्यमन्त्री एम.के.स्टालिनस्य स्थितिः अपि दृढा, किन्तु विपक्षः अपि पूर्ण-शक्त्या प्राङ्गणं प्रति आगमनाय सज्जः। चर्चा अस्ति यत् अग्रिम-निर्वाचने आसन-परिवर्तनस्य सम्भावना अपि राजनैतिक-कम्पनम् उत्पद्यते।

समानकाले, तमिलगा-वेत्री-कड़गम् अपि अभ्यर्थी-घोषणायाः सज्जां करोति, येन प्रतिस्पर्धा अधिका रोचका भविष्यति।

निष्कर्षतः: अग्रिमस्य २०२६ विधानसभानिर्वाचनस्य दृष्ट्या, कोलाथूर-आसनं सम्पूर्ण-तमिलनाडु-जनानां दृष्ट्याः केन्द्रं अभवत्।

हिन्दुस्थान समाचार / अंशु गुप्ता