Enter your Email Address to subscribe to our newsletters
नवदिल्ली, २५ मार्चमासः (हि.स.)। टाटा-नेतृत्वेन सञ्चाल्यमाना विमान-सेवा एयर-इंडिया तथा एयर-इंडिया-एक्सप्रेस अद्य पश्चिम-एशिया-क्षेत्रात् आगमन-गमनयोः आहत्य षड्विंशतिः नियत-अनियत-विमानानि संयुक्तरूपेण संचालयिष्यतः। एषा सूचना एयर-इंडिया-इत्यनेन एक्स-माध्यमेन प्रदत्ता। संस्था अवदत् यत् उभे विमान-सेवे जेद्दाह-नगरस्य कृते स्वस्व-नियत-सेवाः अविरतं धारयिष्यतः, भारत-जेद्दाह-मध्ये आहत्य अष्ट विमानानि भविष्यन्ति।
विमान-सेवानुसारं तेषु विमानेषु एयर-इंडिया दिल्ली-मुम्बई-नगराभ्यां प्रत्येकं प्रत्यागमन-विमानं संचालयिष्यति, यदा तु एयर-इंडिया-एक्सप्रेस कोझिकोड-मङ्गलूर-नगराभ्यां प्रत्येकं विमानं संचालयिष्यति। एतदतिरिच्य एयर-इंडिया-एक्सप्रेस मस्कट-नगरस्य कृते चत्वारि नियत-विमानानि संचालयिष्यति, येषु दिल्ली-मुम्बई-नगराभ्यां विमानानि अन्तर्भवन्ति। तेन सह बेंगलुरु-कोझिकोड-नगराभ्यां रियाद-नगरस्य कृते अपि चत्वारि नियत-विमानानि संचालयिष्यति। एयर-इंडिया रियाद-मुम्बई-मध्ये द्वे नियत-विमाने अपि संचालयिष्यति।
नियत-सेवाभ्यः अतिरिक्तं एयर-इंडिया तथा एयर-इंडिया-एक्सप्रेस संयुक्त-अरब-अमीरात-देशात् आगमन-गमनयोः आहत्य अष्ट अनियत-विमानानि संचालयिष्यतः, ये प्रस्थान-स्थानकेषु उपलब्ध-स्लॉट-स्थितिनां तथा अन्येषां प्रचलित-परिस्थितिनां आधारेण निर्धार्यन्ते।
संस्थया उक्तं यत् एतानि सर्वाणि विमानानि सम्बन्धित-भारतीय-स्थानीय-नियामक-प्राधिकरणानां आवश्यक-अनुमतिभिः सह संचालयन्ते। उत्तरी-अमेरिका-यूरोप-ऑस्ट्रेलिया-तथा अन्य-प्रदेशेभ्यः आगमन-गमनयोः एयर-इंडिया-विमानानि नियत-समये एव संचलन्ति। ये यात्रिणः तेषु मार्गेषु यात्रायै आरक्षणं कृतवन्तः, यत्र एयर-इंडिया-समूहस्य नियमित-सेवाः अस्थायी-रूपेण स्थगिताः सन्ति, ते विना अतिरिक्त-शुल्कं भविष्य-तिथये पुनरारक्षणं कर्तुं शक्नुवन्ति अथवा पूर्ण-धन-प्रतिदान-विकल्पं स्वीकर्तुं शक्नुवन्ति।
एयर-इंडिया-संस्था यात्रिणः परामर्शं दत्तवती यत् ते स्वस्य आरक्षण-निरसन-अनुरोधान् विमान-सेवायाः वेबसाइट्-माध्यमेन कुर्वन्तु। अधिक-सूचनार्थं +९१११६९३२९३३३ अथवा +९१११६९३२९९९९ इत्येतयोः दूरभाष-संख्ययोः संपर्कं करणीयम्। एयर-इंडिया-एक्सप्रेस-यात्रिणः ये संयुक्त-अरब-अमीरात-देशस्य कस्यचित् स्थानकात् यात्रायै आरक्षणं कृतवन्तः, ते यूएई-देशस्य कस्यापि स्थानकात् भारतस्य कुत्रापि गन्तव्यं प्रति गच्छन्त्याः एयर-इंडिया-एक्सप्रेस-अतिरिक्त-वाणिज्यिक-विमानेषु अतिरिक्त-शुल्कं विना स्व-विमानानि सुलभतया पुनरारक्षितुं शक्नुवन्ति।
हिन्दुस्थान समाचार / अंशु गुप्ता