Enter your Email Address to subscribe to our newsletters
सुपौलः, 25 मार्चमासः (हि.स.)।
चैतीछठपूजायाः पावनावसरे उदयमानाय भगवान् सूर्याय अर्घ्यं समर्प्य चतुर्दिनात्मकः लोकआस्थायाः महापर्वः बुधवासरस्य प्रातःकाले सम्पन्नः अभवत्। प्रातःकालात् एव जिलायाः नगरीयग्रामीणक्षेत्रेषु स्थितेषु छठघाटेषु श्रद्धालूनां महान् समागमः अभवत्।
व्रती स्त्रियः पुरुषाः च पूर्णश्रद्धया नियमपालनेन सह घाटान् आगत्य उदयमानसूर्याय अर्घ्यं दत्त्वा स्वपरिवारस्य सुखसमृद्धिसौभाग्यस्य च कामनाम् अकुर्वन्। घाटेषु “छठी मैया” इत्यस्य गीतैः मन्त्रुच्चारैः च वातावरणं भक्तिमयं अभवत्। व्रतीनां श्रद्धा समर्पणं च समग्रं वातावरणं आध्यात्मिकऊर्जया परिपूर्णं कृतवत्।
केचन श्रद्धालवः दण्डप्रणामं कुर्वन्तः एव घाटान् प्राप्तवन्तः, यत् अस्य पर्वणः कठिनसाधनां दृढविश्वासं च दर्शयति। सुपौलक्षेत्रस्य विभिन्नेषु छठघाटेषु सुन्दररूपेण अलङ्कारः कृतः आसीत्। नानावर्णदीपप्रकाशः स्वच्छतायाः च व्यवस्था वातावरणं अधिकं पवित्रं कृतवती।
प्रशासनद्वारा सुरक्षा सुविधायाः च सम्यक् व्यवस्था कृता, येन श्रद्धालूनां काचित् असुविधा न अभवत्। अस्मिन् काले केचन श्रद्धालवः स्वमनोकामनापूर्तौ विशेषपूजां कृत्वा बालकानां मुण्डनसंस्कारम् अपि अकार्षुः।
अन्यत्र बहुषु गृहेषु अपि आङ्गणे कृत्रिमघाटान् निर्माय छठीमैय्यायाः पूजां कृतवन्तः, येन एषः पर्वः सर्वेषु गृहेषु स्वस्य आस्थायाः प्रकाशं प्रसारितवान् इव अभवत्।
चतुर्दिनपर्यन्तं प्रवृत्ते अस्मिन् महापर्वणि व्रतिनः कठोरनियमपालनपूर्वकं निर्जलव्रतं कृतवन्तः। तेषां श्रद्धा संयमः च अस्य पर्वणः विशेषतां वर्धितवन्तौ।
छठपूजायाः समापनानन्तरं श्रद्धालूनां मुखेषु सन्तोषभावः अन्तःकरणे च अपारशान्तिः दृश्यते स्म। चैतीछठपर्वेण पुनः एकवारं सुपौलक्षेत्रे आस्था संस्कृति सामाजिकएकता च सन्देशः प्रदर्शितः, यत्र सर्वे जनाः छठीमातुः भक्तौ निमग्नाः दृश्यन्ते स्म।
हिन्दुस्थान समाचार