शिमलानगरम्, २५ मार्चमासः (हि.स.) – हिमाचल-प्रदेश-विधानसभायां प्रश्नकाले बुधवासरे मुख्यमंत्री सुखविंदरसिंहः सुक्खुः उक्तवान् – प्रदेशस्य टैक्सी-तथा-लघु-मोटरयानानां कृते कोऽपि मार्ग-करः न भविष्यति। सीमावर्तीप्रदेशवासिभ्यः पास-निस्सारितुं कैबिनेट-मध्ये सहानुभूतिपूर्वकं विचारः भविष्यति।

मुख्यमंत्री अवदत् – बाह्यजनाः यदि नियमितरूपेण हिमाचलम् आगच्छन्ति तथा तेषां वाहनानि प्रदेशे पञ्जीकृतानि स्युः, तर्हि कर-शिथिलता सम्भवति। राज्यस्य करप्रणाली फास्टैगप्रणाली-द्वारा संयोजिता अस्ति। प्रवेश-शुल्कवृद्ध्या सर्वकारः वर्षे २८८ कोटि-रूप्यकाणि राजस्वं प्राप्स्यति, परन्तु पर्यटनस्य सामान्यजनानां वा आर्थिकभारः न्यूनतमः भविष्यति।

अनुपूरकप्रश्नस्य माध्यमेन विधायकौ राकेश-कालिया, सुखराम-चौधरी च उक्तवन्तौ – सीमा-सन्निहितग्रामीणाः प्रतिदिनं व्यवसायाया उद्योगाय वा गमनं कुर्वन्ति, अतः तेषां कृते पास-सौविध्यं प्रदानम् उचितम्। मुख्यमंत्री उक्तवान् – सर्वकारः अस्मिन् विषये सहानुभूतिपूर्वकं विचारं करिष्यति।

प्रदेशवासिनः केवलं ५ किलोमीटरपरिसरे निवसन्तः वाहनस्वामिनः प्रमाणपत्रद्वारा टोल-नीति-अन्तर्गतं लाभं प्राप्स्यन्ति।

हिन्दुस्थान समाचार / अंशु गुप्ता