Enter your Email Address to subscribe to our newsletters
भोपालम्, 25 मार्चमासः (हि.स.)। मध्यप्रदेशस्य मुख्यमन्त्री मोहन यादव बुधवासरे (२५ मार्च) एकषष्टिवर्षीयः अभवत्। तस्य जन्मदिनस्य अवसरस्य उपलक्ष्ये नरेन्द्र मोदी, अमित शाह, ओम बिरला, नितिन नवीन तथा अन्ये वरिष्ठनेतारः तं शुभाशंसां दत्तवन्तः।
प्रधानमन्त्री नरेन्द्रमोदी सामाजिकमाध्यमे ‘एक्स’ इत्यत्र स्वसन्देशे लिखितवान् यत् मुख्यमन्त्री डॉ मोहनयादवः मध्यप्रदेशस्य सर्वाङ्गीणविकासाय अनेकाः महत्त्वपूर्णाः योजनाः प्रवर्तयति। तस्य नेतृत्वे प्रदेशः निरन्तरं प्रगतिमार्गे अग्रे सरति। सः तस्य दीर्घायुषः स्वस्थजीवनस्य च कामनां कृतवान्।
केन्द्रीयगृहमन्त्री अमितशाह लिखितवान् यत्—मध्यप्रदेशस्य मुख्यमन्त्री डॉ मोहनयादवाय जन्मदिनस्य हार्दिकाः शुभाशंसाः। प्रधानमन्त्रिणो मोदिनः मार्गदर्शनेन भवतः नेतृत्वेन च प्रदेशः विकासस्य जनकल्याणस्य च नूतनान् आयामान् स्पृशति। प्रभुः महाकालः भवन्तं उत्तमस्वास्थ्येन दीर्घायुना च आशीर्वदतु।
लोकसभाध्यक्षः ओमबिरलः अपि शुभकामनाः दत्तवान्—ईश्वरः भवन्तं स्वस्थं सुदीर्घं प्रफुल्लितं जीवनं ददातु।
भारतीयजनतापक्षस्य राष्ट्रियाध्यक्षः नितिननवीनः अपि तस्य उत्तमस्वास्थ्यस्य दीर्घायुषः च कामनां कृतवान्।केन्द्रीयमन्त्री नितिन गडकरी अपि लिखितवान् यत्—भवतः उत्तमस्वास्थ्यं दीर्घायुः मंगलमयं जीवनं च भवतु इति प्रार्थये।
मुख्यमन्त्री डॉ मोहनयादवस्य जन्म २५ मार्च १९६५ तमे वर्षे उज्जयिन्यां जातम्। सः सरलस्वभावस्य प्रसिद्धः अस्ति तथा स्वजन्मदिनं अत्यन्तं साधारणरूपेण आचरति। तेन अस्य दिने गौमातुः ग्रासदानं कृत्वा दिनस्य आरम्भः कृतः। ततः भोपालस्थिते मुख्यमन्त्रीनिवासे जनानां कार्यकर्तॄणां च अभिनन्दनाय समागमः अभवत्।
अस्य अवसरस्य अन्तर्गतं “बहनानां पाती भैयस्य नाम अभिव्यक्ति” इति कार्यक्रमः आयोजितः। कार्यक्रमस्य आरम्भः दीपप्रज्वलनेन कृतः। महिलाभिः तस्मै विविधाः उपहाराः प्रदत्ताः, चित्राणि अपि समर्पितानि। सः दिव्याङ्गबालकान् आमन्त्र्य तेषां सम्मानं कृतवान्, उपहारान् च दत्तवान्।
मुख्यमन्त्री उक्तवान् यत्—अनेन कार्यक्रमेण बहनानां स्नेहाशिर्वादः अस्माकं सरकाराय प्राप्तः। अद्य मम जन्मदिनः इव दृश्यते, परन्तु वास्तवतः एषः बहनानाम् आशीर्वाददिनः अस्ति। भवतीनां स्नेहः एवं भवतु इति मम कामना। वयं विशेषरूपेण बहनानां पंचायत् आयोजयिष्यामः। प्रधानमन्त्रीमोदीनः नेतृत्वे देशः अग्रे गच्छति, बहनानाम् आशीर्वादेन अस्माकं प्रदेशोऽपि उन्नतिं प्राप्नोति। परमात्मा अस्य रक्षणं करोतु।---------------
हिन्दुस्थान समाचार