Enter your Email Address to subscribe to our newsletters
उज्जैनम्, 25 मार्चमासः (हि.स.)। मध्यप्रदेशस्य उज्जयिन्यां स्थिते विश्वविख्याते श्रीमहाकालेश्वरमन्दिरे बुधवासरे प्रातःकाले भस्मआरत्याः समये भगवान् महाकालस्य दिव्यं मनोहरं च श्रृङ्गारः कृतः। प्रातःकालस्य लगभग चतुर्वादने मन्दिरस्य कपाटाः विधिविधानपूर्वकं उद्घाटिताः, ततः अनन्तरं बहवः श्रद्धालवः आगत्य बाबायाः दर्शनं कृत्वा आशीर्वादं प्राप्तवन्तः।
कपाटोद्घाटनानन्तरं प्रथमं वीरभद्रदेवाय प्रणामः कृतः तथा स्वस्तिवाचनं सम्पन्नम्। परम्परानुसारं अनुमतिं प्राप्य रजतद्वारं उद्घाटितम्, गर्भगृहस्य पटाः उद्घाट्य भगवतः पूर्वश्रृङ्गारः अपसारितः। अनन्तरं जलाभिषेकः तथा पंचामृतैः अभिषेकपूजनं सम्पन्नम्, यत्र दुग्धं दधि घृतं मधु फलरसश्च उपयुज्यन्ते।
अभिषेकानन्तरं भगवान् महाकालः भाङ्गचन्दनसिन्दूरसुगन्धितपुष्पैः विशेषतः अलङ्कृतः। तस्य मस्तके रजतबिल्वपत्रं समर्पितम्। सह रजतमुकुटेन शेषनागमुकुटेन मुण्डमालया रुद्राक्षमालाभिश्च भगवान् राजाधिराजस्वरूपेण विभूषितः।
भोगरूपेण शुष्कफलानि फलानि मिष्टान्नानि च समर्प्य भस्मआरत्याः मुख्यप्रक्रिया सम्पन्ना। महानिर्वाणी अखाडस्य पक्षतः भस्म समर्पितम्। कर्पूरआरत्याः अनन्तरं ज्योतिर्लिङ्गं वस्त्रेण आच्छाद्य विधिपूर्वकं भस्मारोपणं कृतम्।
नन्दीमण्डपे नन्दीमहारेः स्नानं ध्यानं पूजनं च कृतम्। अस्मिन् समये श्रद्धालवः नन्दीदेवस्य कर्णे स्वमनोकामनाः अपि उक्तवन्तः। भस्मआरत्याः समये सम्पूर्णं मन्दिरपरिसरं “जय श्रीमहाकाल” इति घोषैः निनादितम्। प्रातःकाले सम्पन्नायां अस्यां भव्यायां भस्मआरत्यां शतशः श्रद्धालवः दर्शनं कृत्वा पुण्यलाभं प्राप्तवन्तः तथा बाबा महाकालस्य आशीर्वादं लब्धवन्तः।
---------------
हिन्दुस्थान समाचार