Enter your Email Address to subscribe to our newsletters
गुवाहाटी, 26 मार्चमासः (हि.स.)।असमस्य मुख्यमन्त्री डॉ. हिमन्त बिस्व सरमा उक्तवान् यत् जुबीन गर्ग हत्याकाण्डस्य अन्वेषणे असम-सरकारः सम्यक् दिशायां अग्रे गतवती आसीत्। तेन स्पष्टं कृतं यत् सिंगापुर-असमयोः अन्वेषण-प्रक्रिया पूर्णतया भिन्ना आसीत्।
मुख्यमन्त्री उक्तवान् यत् यदि केवलं सिंगापुरस्य अन्वेषणे एव निर्भरता अभविष्यत्, तर्हि जुबीन गर्गस्य न्याय-प्रक्रिया अद्य एव समाप्ता अभविष्यत्। तेन उक्तं यत् असमे स्थापितेन विशेष-अन्वेषण-दलेन (एसआईटी) स्वातन्त्र्येण दृढाधारेण च अन्वेषणं प्रवर्तितम्।
डॉ. सरमा इत्यस्य अनुसारं एसआईटी-अन्वेषणे एतत् प्रकाशं प्राप्तम् यत् पीडितः योजनाबद्धतया उद्देश्यपूर्वकं च मद्यं पायित्वा जलमध्ये निमज्जितः आसीत्।
तेन विश्वासः व्यक्तः यत् एतादृश्या सुदृढया अन्वेषणेन सर्वकारः जुबीन गर्गाय न्यायं दातुं सफलं भविष्यति।
मुख्यमन्त्री गत-रात्रौ कस्यचित् कार्यक्रमस्य अनन्तरं एतां महत्वपूर्णां टिप्पणीं कृत्वा उक्तवान् यत् असम-सरकारः निष्पक्ष-साक्ष्याधारित-अन्वेषणस्य माध्यमेन न्यायं सुनिश्चेतुं प्रतिबद्धा अस्ति।
हिन्दुस्थान समाचार