Enter your Email Address to subscribe to our newsletters
नव दिल्ली, 26 मार्चमासः (हि.स.)।
ऊर्जा पर्यावरण जल परिषदः (सीईईडब्ल्यू) अनुसारं भारतस्य 2031-2035 कालावधौ राष्ट्रियस्तरे निर्धारित योगदानस्य संयुक्त राष्ट्रसंघस्य जलवायु परिवर्तन विषयक रूपरेखासन्धेः प्रति सूचनार्थं केन्द्रसरकारस्य निर्णयः अतीव महत्त्वपूर्णः इति अभिहितम्।
सीईईडब्ल्यू संस्थायाः मुख्यकार्यकारी अधिकारी डॉ अरुणाभ घोषः गुरुवासरे प्रकाशिते वक्तव्ये अवदत् यत् यदा संघर्षाः तथा ऊर्जा सुरक्षा विषये चिन्ताः अनेकान् देशान् स्वीय जलवायु प्रतिबद्धताभ्यः अपसारयन्ति तस्मिन् समये भारतस्य नूतनानि राष्ट्रियस्तरे निर्धारित योगदानानि अत्यन्तं महत्वपूर्णं संकेतं प्रदर्शयन्ति। 2035 पर्यन्तं अजीवाश्म ईंधनाधारित विद्युत् क्षमतायाः 60 प्रतिशतं लक्ष्यम् दर्शयति यत् भारतः विद्युत् क्षेत्रस्य कार्बनमुक्तिकरणे स्वस्य अभिलाषां वर्धयति तथा च स्वस्य कोट्यधिकजनानां कृते ऊर्जा सुरक्षा तथा वहनीयतां अपि सुनिश्चितुं प्रयतते।
तेन उक्तं यत् भारतस्य विद्युत् बाजारः शीघ्रं विकसितः भवति। यदि एषा गतिः यथावत् अवस्थितिः तथा आपूर्ति श्रृंखलायाः अवरोधाः न्यूनाः भवन्ति तर्हि अस्माकं अनुमानं अस्ति यत् भारतः स्वलक्ष्यं अतिक्रामिष्यति यथा सः पूर्वम् अपि अनेकवारं कृतवान् अस्ति।
इदानीं 47 प्रतिशतं उत्सर्जन तीव्रतायाः लक्ष्यं वैश्विक आर्थिक अनिश्चिततायाः मध्ये प्रगतिं सूचयति। नवाचारस्य उपरि बलप्रदर्शनम् इदं दर्शयति यत् हरित हाइड्रोजन दुर्लभ खनिजानि कार्बन ग्रहणं तथा उन्नत बैटर्यः केवलं विद्युत् क्षेत्रे एव न अपि तु भारतस्य ऊर्जा संक्रमणस्य संरक्षणे महत्त्वपूर्णाः भविष्यन्ति।
भारतः कार्बन सिंक निर्माणं अपि पर्याप्तरूपेण वर्धयितुं लक्ष्यं निर्धारितवान् अस्ति, यत् कृषि वानिकी मृदा स्वास्थ्यं तथा जैव विविधता संरक्षणस्य क्षेत्रेषु निवेशस्य नूतनान् मार्गान् उद्घाटयति।
अतिरिक्ततया नमनीये अधोसंरचनायाः तथा अनुकूलनस्य विषये अधिकं बलप्रदर्शनम् एतत् दर्शयति यत् भारतः जलवायु सम्बन्धितान् जोखिमान् यथा अनियमित वर्षा ऊष्णतरंगाः तटीय संकटाः तथा विकास आजीविका अधोसंरचना संरक्षणस्य आवश्यकतां स्पष्टतया स्वीकृतवान् अस्ति।
डॉ अरुणाभ घोषः अवदत् यत् मैंग्रोव वनानां पुनर्स्थापनं तटीय संरक्षणं चक्रवात तथा तूफानानां कृते पूर्वसूचना प्रणाली तथा राज्येषु ऊष्मा क्रियायोजना विस्तारः इत्यादयः उपायाः दर्शयन्ति यत् अनुकूलनं तथा लचीलता भारतस्य जलवायु रणनीत्याः केन्द्रीय स्तम्भौ भवतः।
तथैव मिशन लाइफ चक्रीय तथा जैव अर्थव्यवस्थायां अवसरान् प्रददाति तथा एतत् अपि दर्शयति यत् कथं सतत जीवनशैली नूतन विकासं मूल्य सृजनं च प्रवर्तयितुं शक्नोति।
------------
हिन्दुस्थान समाचार