गोरखपुरम्, २७ मार्चमासः (हि.स.)। मातृशक्तिं प्रति असीम-श्रद्धाभावेन तस्याः सुरक्षा-सम्मान-स्वावलम्बनाय च अनेक-कार्यक्रमान् अग्रे नयन् मुख्यमन्त्री तथा गोरक्षपीठाधीश्वरः योगी-आदित्यनाथः वासन्तिक-(चैत्र)-नवरात्रेः नवमी-तिथौ शुक्रवासरे गोरक्षपीठस्य परम्परानुसारं कन्या-पूजनम् अकरोत्। नवमी-तिथेः अनुष्ठान-शृङ्खलायां गोरखनाथ-मन्दिरस्य अन्न-क्षेत्रे आयोजिते कन्या-पूजन-अनुष्ठाने मुख्यमन्त्री-योगी नव-दुर्गा-स्वरूपीणां कुमारी-कन्यानां पादौ प्रक्षालितवान्, तासां विधि-विधानपूर्वकं पूजनं कृतवान्, चुनरी-वस्त्रं आच्छादितवान्, आरार्तिकीं च कृतवान्, श्रद्धया भोजनं कारितवान् तथा दक्षिणा-उपहारौ दत्त्वा तासाम् आशीर्वादं गृहीतवान्। मुख्यमन्त्री परम्परानुसारं बटुक-पूजनम् अपि अकरोत्।

शुक्रवासरे पूर्वाह्णे वासन्तिक-नवरात्रेः नवमी-तिथेः अनुष्ठाने गोरक्षपीठाधीश्वरः प्रथमं कुमारी-कन्यानां पादौ अप्रक्षालयत्। तासां ललाटेषु रोली-चन्दन-अक्षतादिभिः तिलकं कृतवान्। दुर्वया तासाम् अभिषेकं कृत्वा मालाः धारिताः। चुनरी-आच्छादनं कृत्वा दक्षिणा-उपहारौ प्रदाय आशीर्वादं गृहीतवान्। सः अन्न-क्षेत्रे सर्वासां कुमारी-कन्यानां बटुकानां च श्रद्धया आरार्तिकीम् अपि अकरोत्। पूजनानन्तरं एताभ्यः कन्याभ्यः मन्दिर-पाकशालायां पक्तं भोजन-प्रसादं मुख्यमन्त्री-योगी-आदित्यनाथः स्वहस्तेन परिवेशितवान्। आयोजनम् आगताभ्यः सर्वाभ्यः कन्याभ्यः पूजनोपरान्तं चुनरी-दक्षिणा-उपहाराः प्रदत्ताः।

कन्याभ्यः अतिरिक्तं बहुसंख्यकाः आगताः बटुकाः अपि श्रद्धया भोजनं कारयित्वा उपहार-दक्षिणाभ्यां सम्मानिताः। अस्मिन् समये मुख्यमन्त्री योगी-आदित्यनाथः एतदपि निरीक्षितवान् यत् कस्यापि कन्यायाः बटुकस्य वा पात्रे भोजन-प्रसादस्य अभावः न भवेत्। एतस्मिन् विषये सः मन्दिर-व्यवस्थायां संलग्नान् जनान् निर्देशयन् आसीत्। कन्या-पूजन-अनुष्ठानस्य अवसरे गोरखनाथ-मन्दिरस्य प्रधान-पुजारी योगी-कमलनाथेन सह अनेके सन्ताः तथा मन्दिर-प्रबन्धन-संबद्धाः जनाः उपस्थिताः आसन्। कन्या-पूजनात् पूर्वं प्रातःकालीन-पूजन-सत्रे मन्दिरस्य शक्तिपीठे माता सिद्धिदात्र्याः विधि-विधानपूर्वकं आराधना कृता।

हिन्दुस्थान समाचार / अंशु गुप्ता