मुरादाबादम्, २७ मार्चमासः (हि.स.)। चैत्र-नवरात्रस्य नवमे दिने शुक्रवासरे प्रातःकालादेव गृहेभ्यः आरभ्य मन्दिरेषु यावत् मातुः भगवत्याः नवम-स्वरूपस्य मातुः सिद्धिदात्र्याः आराधना कृता। भक्तैः कन्या-पूजनं कृत्वा नवरात्र-व्रतस्य संकल्पः पूर्णः कृतः। श्रद्धालुभिः गृहेषु मन्दिरेषु च कन्या-भोजः आयोजितः।

भक्तैः सर्वप्रथमं कन्या-बालिकानां चरणौ प्रक्षालयित्वा रोली-द्रव्येण तिलकं कृतं तथा तासां हस्ते कलावासूत्रं बद्धम्। ततः प्रसादरूपेण लप्सिका, चणकानि, शष्कुलीः, शाकं, क्षीरम् इत्यादीनि भोजयित्वा तासाम् आशीर्वादः गृहीतः। अनेन सह चैत्र-नवरात्रम् अपि पूर्णम् अभवत्।

अपरं लालबाग-स्थिते अति-प्राचीन-सिद्धपीठे श्री-काली-माता-मन्दिरे तथा अति-प्राचीन-सिद्धपीठे नौ-देवी-काली-माता-मन्दिरे महानगरस्य सर्वेभ्यः भागेभ्यः बहुसंख्यकाः जनाः आगत्य मातरं दर्शनं कृत्वा प्रसादं, श्रृङ्गार-द्रव्याणि च समर्प्य सुख-समृद्धेः कामनां कृतवन्तः। तथा विभिन्नेषु स्थानेषु मोहल्लासु च स्थितेषु मन्दिरेषु अपि क्षेत्रीय-जनाः बहुसंख्यया समागत्य पूजार्चनां कृत्वा प्रसादं समर्पितवन्तः।

श्री-काली-माता-मन्दिरस्य महन्तः सज्जन-गिरि-महाराजः तथा नौ-देवी-काली-माता-मन्दिरस्य महन्तः राम-गिरि-महाराजः अवदताम् यत् अद्य प्रातःकालात् सम्मर्दस्य कारणात् मन्दिरं समयात् पूर्वमेव उद्घाटितम्। मध्याह्नेऽपि द्विवादनपर्यन्तं मेलनं कृतम्। सायं चतुर्वादने पुनः उद्घाटितम्। श्रद्धालुभ्यः प्रसादं दत्त्वा प्रवेश-निर्गमनयोः पृथक्-द्वार-व्यवस्था कृता। रात्रौ दीर्घकालं यावत् मन्दिरस्य उद्घाटनात् शनिवासरे मन्दिरं प्रातः अष्टवादने उद्घाट्यते इति अपि उक्तम्।

हिन्दुस्थान समाचार / अंशु गुप्ता