Enter your Email Address to subscribe to our newsletters
जम्मूः, 28 मार्चमासः (हि.स.)।
जम्मू-कश्मीर सर्वकारः शनिवासरे घोषणां कृतवान् यत् सा वर्तमाने वित्तीय-सत्रे नशामुक्ति-विधेयकं प्रस्तोतुं प्रयासं करिष्यति। विधायकेभ्यः उत्थापितानां प्रश्नानां उत्तरं दत्त्वा स्वास्थ्य-चिकित्सा-शिक्षा-मन्त्री सकीना मसूद इटू उक्तवती यत् विधेयकं सज्जम् अस्ति, तत् च अस्मिन् सत्रे प्रस्तोतुं प्रयासाः क्रियन्ते।
तया स्पष्टं कृतं यत् यत्र पुलिस-विभागः मादकद्रव्याणां प्रसारं निरोद्धुं शक्नोति, तत्र स्वास्थ्य-विभागः मादकद्रव्य-सेवनात् प्रभावितानां रोगिणां उपचाराय उत्तरदायी अस्ति।
सा अग्रे उक्तवती यत् गृह-विभागेन मादकद्रव्य-प्रसार-निरोधाय अधिकाः प्रयासाः करणीयाः। तया उक्तं यत् केषुचित् क्षेत्रेषु मादकद्रव्य-सेवने वृद्धिः जाता, अन्येषु क्षेत्रेषु तु ह्रासः दृष्टः।
मन्त्रिणा अपि उक्तं यत् सर्वकारः निजी-नशामुक्ति-केन्द्रेभ्यः रोगिभ्यः मनमानेन शुल्कग्रहणं कर्तुं अनुमतिं न दास्यति। सा विधायकेभ्यः उक्तवती यत् यदि काचित् तादृशी शिकायत अस्ति, तर्हि तां सर्वकारस्य संज्ञानं प्रति आनयन्तु।
---------------
हिन्दुस्थान समाचार