Enter your Email Address to subscribe to our newsletters
पटनानगरम्, २८ मार्चमासः (हि.स.)। मुख्यमन्त्री नीतीश-कुमारः पटना-नगरे विविध-निर्माणाधीन-परियोजनानां निरीक्षणं कृत्वा शीघ्र-समापनाय निर्देशान् दत्तवान्। सः बंस-घट्ट-समीपे निर्मीयमाणस्य लोकनायक-जयप्रकाश-नारायण-प्रांगणस्य (बिहार-गौरव-पार्क) कार्यं निरीक्षितवान् तथा उत्तम-निर्माणं कर्तुं उक्तवान्।
अस्मिन् प्रांगणे बिहारस्य इतिहासः, संस्कृतिः च प्रदर्शिता भविष्यति, तथा आर्यभट्ट-चाणक्य-अशोक-जयप्रकाश-नारायण-दशरथ-मांझी इत्यादीनां महापुरुषाणां गाथाः अपि दर्शयिष्यन्ते।
मुख्यमन्त्रिणा बांस-घट्ट-स्थित-मुक्तिधाम-परिसरस्य प्राचीन-शवदाह-गृहस्य च निरीक्षणं कृत्वा सुविधावृद्धये निर्देशाः दत्ताः। तेन पटना-हाटस्य तथा सभ्यता-द्वारात् कलेक्ट्रेट-घट्ट-पर्यन्तं सैरगाहस्य निर्माण-कार्यस्य अपि अवलोकनं कृतम्।
सः उक्तवान् यत् एताः सर्वाः योजनाः शीघ्रं पूर्णाः स्युः, येन नगरवासिनः लाभान्विताः भवेयुः तथा पर्यटन-सुविधाः अपि वर्धेरन्।
हिन्दुस्थान समाचार / अंशु गुप्ता