लखनऊनगरम्, २८ मार्चमासः (हि.स.)। योगी-सर्वकारेण पुनः एकं महत्त्वपूर्णं साधनं प्राप्तम्। जल-संसाधन-प्रबन्धने आधारभूत-अवसंरचनायां च उत्कृष्ट-कार्यस्य कारणेन देशव्यापिनि प्रतिष्ठा दृढीकृता। नवी-दिल्ली-नगरे आयोजिते १०६-तम-स्कॉच-शिखर-सम्मेलने सिंचाई-जल-संसाधन-विभागः प्रतिष्ठितेन ‘स्कॉच-अवार्ड’ इत्यनेन सम्मानितः। विभागाय एतत् सम्मानं महाकुम्भ-२५ अवसरे गङ्गायाः धाराणां सफल-चैनलाइजेशन इति तथा जल-प्रबन्धने नवोन्मेष-कार्ययोः कृते प्रदत्तः। एतत् पुरस्कारं सिंचन-विभागस्य मुख्य-अभियन्ता उपेन्द्र-सिंहः प्राप्तवान्।

महाकुम्भ-२५ अवसरे गङ्गायाः धाराणां चैनलाइजेशन इति सिंचन-विभागस्य प्रमुख-सचिवः अनिल-गर्गः अवदत् यत् मुख्यमन्त्रिणः योगी-आदित्यनाथस्य अभिप्रायानुसारं महाकुम्भ-२५ मध्ये अधिकाधिक-श्रद्धालूनाम् अमृत-स्नान-व्यवस्थार्थं गङ्गायाः धाराणां चैनलाइजेशन-इत्यस्य निर्देशाः दत्ताः। सः उक्तवान् यत् गङ्गायाः धाराणां वैज्ञानिक-रीत्या प्रबन्धनं कठिनं कार्यम् आसीत्, यत् सिंचन-विभागेन सफलतया सम्पन्नम्। एतेन प्रदेशस्य कार्य-कौशलं महत्सु आयोजनेषु सुव्यवस्थित-प्रबन्धन-क्षमता च प्रदर्शिता।

तथैव गङ्गा-नद्याः तिस्रः धाराः सफलतया एकस्मिन् प्रवाहे संयुक्ताः, एषा महती तांत्रिकी-प्रशासनिकी उपलब्धिः आसीत्। संगम-क्षेत्रे ‘संगम-नोज’ इत्यस्य विस्तीर्ण-परिसंचरण-क्षेत्रस्य च निर्माणं कृतम्, येन कोटिशः श्रद्धालूनां आवागमनं सुगमं कृतम्। एतत् कार्यं सम्मर्द-प्रबन्धन-दृष्ट्या महत्त्वपूर्णं जातं, सुरक्षा-सुव्यवस्था-मानकान् अपि उन्नीतवान्।

रामपुर-स्थिते भाखड़ा-वियर(बन्धे) स्वचालित-द्वार-स्थापनायाः अपि प्रशंसा मुख्य-अभियन्ता उपेन्द्र-सिंहः अवदत् यत् रामपुर-स्थिते भाखड़ा-वियर (बन्धे) स्वचालित-द्वार-स्थापनायाः अपि विशेष-प्रशंसा प्राप्ता। अनया अत्याधुनिक-व्यवस्थया जल-वितरण-प्रणाली अधिक-प्रभावी नियंत्रिता च अभवत्। एतेन सिंचन-व्यवस्थायां सुधारः जातः, जल-संरक्षणे संसाधनानाम् उत्तम-उपयोगे च उल्लेखनीया प्रगतिः अभवत्। विभागस्य लक्ष्यं स्थायी-प्रभावी-जल-प्रबन्धनस्य माध्यमेन कृषकाणां लाभवृद्धिः कृषि-उत्पादकता-वर्धनं च इति उक्तम्।

हिन्दुस्थान समाचार / अंशु गुप्ता