Enter your Email Address to subscribe to our newsletters
वाराणसी, 28 मार्चमासः (हि.स.)।
उत्तर प्रदेश-राज्यस्य वाराणसी-जनपदे दालमण्डी-मार्ग-विस्तार-अभियानार्थं वाराणसी-कमिश्नरेट-पुलिसः, लोक-निर्माण-विभागः, जिला-प्रशासनं च पुनः सज्जीकृताः। रविवासरे प्रशासनस्य बुलडोजर-यानानि प्रातःकालात् एव दालमण्डी-प्रदेशे ध्वस्तीकरण-कार्यं प्रारभन्ते।
अस्मिन् अवसरे प्रायः ३० गृहाणां ध्वस्तीकरण-योजना निर्दिष्टा अस्ति, तस्मात् सप्तदिनपर्यन्तं निरन्तरं कार्यं भविष्यति। ध्वस्तीकरण-समये सुरक्षा-दृष्ट्या चौक-थानस्य पुलिस-कर्मचारिणः अतिरिक्त-बलं च नियुक्तुं योजना अस्ति।
वाराणसी-कमिश्नरेट-पुलिसदलस्य सहायक-पुलिस-आयुक्तः डॉ. अतुल अंजान त्रिपाठी उक्तवान् यत् रविवासरे गाढ-पुलिस-सुरक्षायां दालमण्डी-गृहाणां ध्वस्तीकरण-कार्यं भविष्यति। त्रयाणां थानानां पुलिस-बलं पीएसी-दलस्य च उपस्थितौ चिन्हितानि गृहाणि अपसार्यन्ते।
दालमण्डी-प्रदेशे गच्छन्ति वाहनानि रविवासरात् आरभ्य बैरिकेड्-व्यवस्थया निरुद्धानि भविष्यन्ति, येन ध्वस्तीकरण-कार्ये काचित् बाधा न उत्पद्येत।
अपरतः शनिवासरे प्रातःकाले दालमण्डी-प्रदेशे सामान्यरूपेण एव बाजारः उद्घाटितः, व्यापारीणः पूर्ववत् ग्राहकेभ्यः स्वागतं कृतवन्तः। किन्तु व्यापारीणः पुनः ध्वस्तीकरण-कार्यं अनुचितम् इति अभिव्यक्तवन्तः, उक्तवन्तश्च— “कियत्कालपर्यन्तं वयं एव विस्थाप्यन्ते? कश्चित् स्थापयिता अपि कदाचित् आगच्छेत्।”
---------------
हिन्दुस्थान समाचार