Enter your Email Address to subscribe to our newsletters
कोलकाता, 28 मार्चमासः (हि.स.)।
आरजी करचिकित्सामहाविद्यालये चिकित्सक-छात्रया सह जातस्य कथित-दुष्कर्म-हत्या-प्रकरणस्य विषये पुनः विवादः गाढः अभवत्।
पीडितायाः मातुः विधानसभा-निर्वाचने भारतीय जनतादलस्य -प्रत्याशित्वेन निर्णयं प्रति वेस्ट बंगाल जूनियर डॉक्टर फ्रंट इति संगठनस्य प्रतिक्रिया प्रकाशिताभूत्।
संगठनस्य वक्तव्ये उक्तं यत् कस्यापि व्यक्तेः निर्वाचनं स्पर्धितुं निर्णयः तस्य व्यक्तिगतः विषयः अस्ति, अतः अस्मिन् विषये संगठनस्य समर्थनं वा विरोधः वा उचितः नास्ति। तथापि, संगठनम् अवदत् यत् यस्य दलस्य चिकशटिकया सा स्पर्धते, तस्मिन् दले स्त्री-उत्पीडन-प्रकरणेषु गम्भीराः प्रश्नाः पूर्वमेव उत्थापिताः सन्ति।
वक्तव्ये उक्तम्— “एवं चिन्तयितुं यत् कश्चन राजनैतिक-दलः शर्ताधारेण न्यायं दास्यति, न व्यावहारिकम्।” संगठनम् आरोपितवान् यत् बहवः प्रभावशालिनः नेतारः स्त्री-उत्पीडन-प्रकरणेषु सम्बद्धाः सन्ति, तथा च एतेषु प्रकरणेषु पीडितानां तेषां परिवाराणां च उपरि भारोऽपि निर्मीयते।
संगठनम् अवदत् यत् 2024 तमे वर्षे जातस्य अस्य घटनायाः उन्नविंशतिः मासाः अतीताः सन्ति, तथापि इदानीम् अपि एतत् पुनः चर्चायां अस्ति, राजनैतिक-विवादस्य विषयः च कृतः। वक्तव्ये राज्य-पुलिसदलस्य केन्द्रीय-अन्वेषण-एजेंसिनां च अन्वेषण-प्रक्रियायाः विषये अपि प्रश्नाः उत्थापिताः।
संगठनम् अपि स्पष्टं कृतवान् यत् एतत् आन्दोलनं सामान्य-जनानां क्रोधस्य स्वाभाविकः विस्फोटः आसीत्, यत्र जनाः न्यायस्य आग्रहाय तथा स्त्री-सुरक्षायै मार्गेषु आगतवन्तः।
तथा च संगठनम् पीडितायाः मातुः प्रति सहानुभूतिं व्यक्तवान्, उक्त्वा यत् या माता स्वसन्तानं नष्टवती, सा कस्यां मानसिक-स्थितौ एतादृशं निर्णयं करोति, तत् अवगन्तुं आवश्यकम्।
संगठनम् जनान् प्रति अपीलं कृतवान् यत् ते सामाजिक-माध्यमेषु तस्याः विरुद्धं व्यक्तिगत-टिप्पण्यः न कुर्वन्तु। तथापि, संगठनम् असन्तोषं व्यक्तवान् यत् पीडितायाḥ परिवारतः आन्दोलनकारिणां विरुद्धं स्वार्थार्थं आन्दोलनं कृतम् इति आरोपः कृतः। संगठनस्य कथनम् आसीत् यत् तस्य सदस्याः प्रतिनिधयश्च केवलं न्यायस्य अपेक्षया आन्दोलनं कृतवन्तः, न तु कस्यापि राजनैतिक-लाभस्य कृते।
---------------
हिन्दुस्थान समाचार