Enter your Email Address to subscribe to our newsletters
गुवाहाटीनगरम्, २९ मार्चमासः (हि.स.)। भारतीय-जनता-पक्षस्य प्रमुख-प्रचारकः तथा केन्द्रीय-गृहमन्त्री अमित-शाहः शनिवासर-रात्रौ असम-प्रवासस्य अवसरे राज्य-भाजपा-मुख्यालये एकां महत्त्वपूर्णां सभां कृतवान्, यस्याम् अग्रिम-विधानसभा-निर्वाचनस्य विषये दलस्य रणनीतिः चर्चिता।
असम-विधानसभा-निर्वाचने भाजपा-गठबन्धनस्य प्रत्याशिनां समर्थनार्थं प्रचारं तीव्रीकर्तुं शाहः राज्यं प्राप्तवान्। अत्र आगत्य सः मध्य-गुवाहाटी-विधानसभा-क्षेत्रे निर्वाचन-प्रचारं कृतवान्। तेन आर्य-विद्यापीठ-महाविद्यालयात् नेपाली-मन्दिरपर्यन्तं आयोजितायां रैल्यां अपि सहभागिता कृता, यस्याम् बहुसंख्यक-जनानां सहभागिता आसीत्।
शोभायात्रा अनन्तरं शाहः राज्य-भाजपा-कार्यालये आयोजितायां महत्त्वपूर्णायां सभायां सहभागी अभवत्। अस्यां सभायां मुख्यमन्त्री डॉ.हिमन्त-बिस्व-सरमा, प्रदेश-भाजपा-अध्यक्षः दिलीप-सैकिया, राष्ट्रीय-उपाध्यक्षः तथा निर्वाचन-प्रभारी बैजयन्त-जय-पाण्डा, सह-प्रभारी दर्शना-जरदोश:, प्रदेश-प्रभारी हरीश-द्विवेदी तथा निर्वाचन-प्रबन्धन-समितेः संयोजकः सांसदः प्रदान-बरुवा इत्यादयः अन्ये वरिष्ठ-नेतारः उपस्थिताः आसन्।
सभायां निर्वाचन-प्रचारस्य प्रगतिः समीक्षिता तथा अग्रिम-निर्वाचने भाजपा-गठबन्धनस्य दृढ-विजयस्य सुनिश्चित्यर्थं रणनीतिः निर्धारिताऽभवत्।
हिन्दुस्थान समाचार / अंशु गुप्ता