Enter your Email Address to subscribe to our newsletters
गुवाहाटीनगरम्, २९ मार्चमासः (हि.स.)। भारतीय-जनता-पक्षस्य प्रमुख-प्रचारकः तथा केन्द्रीय-गृहमन्त्री अमित-शाहः अद्य असम-राज्यस्य ढेकियाजुली, टिहू तथा नलबाड़ी-नगरेषु निर्वाचन-प्रचारं करिष्यति। भाजपायाः निर्वाचन-प्रचाराय गति-वर्धनार्थं शाहः द्विदिवसीय-प्रवासे शनिवासरस्य सायं गुवाहाटीनगरम् आगतवान्।
तेन शनिवासरे गुवाहाटीनगरे भव्या शोभायत्रा आयोजिता, यस्मिन् बहुसंख्यक-जनानां सहभागिता दृष्टा। एषा सभायात्रा निर्वाचन-पर्यावरणं अधिकं सक्रियं कृतवान्। अद्य सः टिहू-नगरे निर्वाचन-प्रचारं करिष्यति, यत्र सः जनसभां सम्बोधयिष्यति तथा दल-कार्यकर्तृभिः सह संवादं अपि करिष्यति।
अद्य सः असम-सर्वकारस्य मन्त्रिणः तथा भाजपायाः प्रत्याशिनः जयन्तमल्ल-बरुवा, चन्द्रमोहन-पटवारी तथा अशोक-सिंघल इत्येतेभ्यः समर्थनार्थं प्रचारं करिष्यति। गृहमन्त्रिणः कार्यक्रमाणां कृते व्यापक-स्तरेण सज्जता कृता अस्ति। तस्य कार्यक्रमानुसारं राज्ये सुरक्षा-व्यवस्थायाः अपि व्यापक-प्रबन्धाः कृताः सन्ति।
हिन्दुस्थान समाचार / अंशु गुप्ता