रामगढ़नगरम्, 29 मार्चमासः (हि.स.)। जनपदे श्री-श्री-रामनवमी-पूजा-महा-समितेः नेतृत्वे शान्तिपूर्ण-वातावरणे उत्सवः सम्पन्नः। महासमितेः अध्यक्षः राजेश-ठाकुरः रविवासरे विज्ञप्तिं प्रकाश्य जनपदवासिनां प्रति कृतज्ञतां प्रकटितवान्।सः अवदत् यत् अतीव शान्तिपूर्ण-वातावरणे ऐतिहासिक-कार्यक्रमस्य सम्पन्नता समस्यापूर्णं कार्यम् आसीत्। अस्मिन् कार्ये जनपद-प्रशासनम्, आरक्षक-प्रशासनम्, सामान्य-नागरिकाः, राजनैतिक-दलानि तथा संगठनस्य कार्यकर्तारः च उत्साहेन सहयोगं कृतवन्तः।राजेश-ठाकुरः अवदत् यत् रामगढ़-नगरे सर्वे अखाडाः, स्थायी-चलन्त-प्रदर्शिन्यः च रामनवमी-शोभायात्रायाः मङ्गल-शोभायात्रायाः च शोभां वर्धितवन्तः। अपि च डीसी, एसपी तथा सर्वे पदाधिकारिणः रामनवमी-पूजायां स्व-स्व-दायित्वं सम्यक् निर्वूढवन्तः।

हिन्दुस्थान समाचार / अंशु गुप्ता