Enter your Email Address to subscribe to our newsletters
रामगढ़म्, 29 मार्चमासः (हि.स.)।
रामगढ़-नगरस्य चट्टी-आपण-स्थिते मारवाड़ी-धर्मशाला-परिसरे श्री-मारवाड़ी-सतनारायण-मन्दिर-धर्मशाला-संस्था तथा मोशन-एजुकेशन-संस्थायाः संयुक्त-तत्त्वावधाने रविवासरे ‘करियर-मार्गदर्शनं तथा शिक्षायां कृत्रिम-बुद्धिमत्ता (एआई)’ इति विषयकं सेमिनारम् आयोजितम्।
अस्य सेमिनारस्य शुभारम्भः डॉ. एके-बरेलिया, कमल-बगड़िया, बिमल-बुधिया, मुरारीलाल-अग्रवालो, महेन्द्र-अग्रवालः, अमित-गोयल, इन्दर-अग्रवाल-इत्येतैः संयुक्ततया दीप-प्रज्वलनं कृत्वा कृतः। ततः पूर्वं अतिथीनां आगमने डायरेक्टर-श्री-कृष्ण-अग्रवालेन पुष्पगुच्छं दत्त्वा तेषां स्वागतं कृतम्।
अस्यां संगोष्ठ्यां मोशन-एजुकेशन-संस्थायाः डायरेक्टरः कृष्ण-अग्रवालः, को-डायरेक्टरः सृष्टि-दालमिया, नीरज-कुमारः, नदीमः च विद्यार्थिनः तेषां उज्ज्वल-भविष्याय सम्यक्-दिशा-प्रदर्शनं कृत्वा आधुनिक-शिक्षायां कृत्रिम-बुद्धिमत्तायाः (एआई) भूमिकां विषये अवगतवन्तः।
तथैव कोटा-रायपुर-नगरयोः चिकित्साशास्त्र-इञ्जिनियरिङ्ग-शिक्षा-क्षेत्रे उत्कृष्टं कार्यं कुर्वन्तः शिक्षकाः अपि विद्यार्थिभ्यः विस्तृतं मार्गदर्शनं प्रदत्तवन्तः।
अस्यां संगोष्ठ्यां केन्द्र-प्रमुखः नीरज-कुमारः, नदीम-हसनः, सेजल-बंसलः, नरेन्द्र-कुमारः, प्रीतम-मेहरा, सुमन-कुमारी च अन्ये बहवः उपस्थिताः आसन्।
---------------
हिन्दुस्थान समाचार