Enter your Email Address to subscribe to our newsletters
रायपुरम्/अम्बिकापुरम्, 29 मार्चमासः (हि.स.)। खेलो-इण्डिया-ट्राइबल-क्रीडा 2026 इत्यस्य पञ्चमे दिने मल्ल-भारोत्तोलन-स्पर्धासु क्रीडकैः उत्कृष्टं प्रदर्शनं कृतम्। अम्बिकापुरे आरब्धायां मल्लयुद्ध-प्रतियोगितायां झारखण्ड-हिमाचल-प्रदेशयोः मल्लौ द्वौ द्वौ स्वर्ण-पदकौ विजितवन्तौ, भारोत्तोलने तु मिजोरम-राज्यं द्वाभ्यां स्वर्ण-पदकाभ्यां प्रतियोगितां समाप्तवती।
झारखण्डस्य पूनम-ओरांव महिला 50 किलोग्राम-वर्गे तेलंगाना-राज्यस्य गीतां 6-3 अङ्कैः पराजित्य स्वर्ण-पदकं विजितवती। अनन्तरं अंजित-कुमार-मुण्डा पुरुष-67 किलोग्राम-ग्रीको-रोमन-वर्गे गुजरात-राज्यस्य मुकेश-वासवा इत्येतं पराजित्य द्वितीयं स्वर्णं प्राप्तवान्। हिमाचल-प्रदेशस्य नविश-कुमारः (97 किग्रा ग्रीको-रोमन) तथा प्रियंका-चौधरी (महिला 62 किग्रा) अपि स्वर्ण-पदकौ विजितवन्तौ।
भारोत्तोलने मिजोरम-राज्यस्य जोसाङ्गजुआली (महिला +86 किग्रा) तथा डेविड-जोह्मिङ्गमाविया (पुरुष +110 किग्रा) स्वर्ण-पदकौ विजितवन्तौ। अरुणाचल-प्रदेशस्य साम्बो-लापुङ्गः पुरुष-100 किलोग्राम-वर्गे 299 किलोग्राम-भारम् उत्तोल्य स्वर्णं प्राप्तवान्, येन राज्यं तृतीय-स्थानं प्राप्तम्।
महाराष्ट्रस्य साक्षी-बुरकुले महिला 86 किलोग्राम-वर्गे स्वर्णं विजितवती, मल्लयुद्धे च विनोद-सालकरः पुरुष-125 किलोग्राम-फ्री-स्टाइल-वर्गे शीर्ष-स्थानं प्राप्तवान्। जम्मू-कश्मीरस्य मुनीर-हुसैनः पुरुष-74 किलोग्राम-फ्री-स्टाइल-वर्गे स्वर्णं विजितवान्।
पदक-तालिकायां कर्नाटकं 15 स्वर्णम्, 6 रजतम्, 4 कांस्य-पदकम् इत्येतैः सह प्रथम-स्थाने वर्तते, ओडिशा द्वितीय-स्थाने, अरुणाचल-प्रदेशः तृतीय-स्थाने च स्थितः। प्रतियोगितायां अग्रे अपि रोचक-स्पर्धानां अपेक्षा व्यक्ता।
हिन्दुस्थान समाचार / अंशु गुप्ता