नवदिल्ली, २९ मार्चमासः (हि.स.)। भारतीय-जनता-पक्षस्य वरिष्ठ-नेता तथा प्रधानमन्त्री नरेंद्रमोदी रविवासरे उक्तवान् यत् केरल-राज्ये भाजपा-नेतृत्वस्य राष्ट्रीयजनतांत्रिकं गठबंधनं (राजग) लोकप्रियता निरन्तरं वर्धते, एतत् च राज्ये परिवर्तनस्य स्पष्टं संकेतं ददाति। तेन विश्वासः व्यक्तः यत् अग्रिमेषु कालेषु केरल-राज्ये राजग-सर्वकारस्य गठनं सति शीघ्र-विकासः भविष्यति।

केरलस्य पलक्कड-नगरे आयोजितां निर्वाचन-जनसभां सम्बोधयन् प्रधानमन्त्रिणा वाम लोकतांत्रिकमोर्चा तथा यूनाइटेड-डेमोक्रेटिक-फ्रंट-इत्येतौ प्रति तीक्ष्णः प्रहारः कृतः। तेन उक्तं यत् उभावपि गठबन्धनौ भ्रष्टौ सांप्रदायिकौ च स्तः, तयोः राजनीतिः केवलं मत-संग्रहपर्यन्तं सीमिता अस्ति, राज्यस्य विकासे तयोः चिन्ता नास्ति।

प्रधानमन्त्रिणा उक्तम्— “एलडीएफ तथा यूडीएफ-नीतयः केवलं मत-राजनीत्याः आधाराः सन्ति। अहं केरलस्य जनतां विश्वासं ददामि यत् राजग-सर्वकारे सति राज्यस्य तीव्र-विकासः भविष्यति। एषा मोदी-प्रतिज्ञा अस्ति।”

सः अपि अवदत्— “केरल-राज्यं दीर्घकालात् एलडीएफ तथा यूडीएफ इत्येतयोः मध्ये बद्धम् आसीत्, किन्तु अधुना राज्ये परिवर्तनस्य वातावरणं निर्मीयते।” प्रधानमन्त्रिणः अनुसारं राज्यस्य यूनः, महिलाः तथा कृषकाः अधुना भाजपा-राजगयोः प्रति विश्वासं प्रदर्शयन्ति, यत् उद्भवमानस्य जनान्दोलनस्य रूपं धारयति।

प्रधानमन्त्रिणा एलडीएफ तथा यूडीएफमध्ये ‘बी-टीम’ इति विषयक-वाक्ययुद्धस्य अपि उल्लेखः कृतः, यतः स्पष्टं भवति यत् उभावपि पक्षौ भाजपा इत्यस्य एकं सशक्तं विकल्पं मन्येते। तेन आरोपितं यत् एते उभौ दलौ परस्परं प्रति केवलं वक्तव्यं कुर्वन्ति, किन्तु दृढ-कार्यं न कुर्वन्ति।

राज्यस्य आर्थिक-स्थितेः विषये चिन्तां व्यक्तयन् प्रधानमन्त्रिणा उक्तं यत् केरल-राज्ये पञ्च-लक्ष-कोटि-रूप्यकाधिकं ऋणम् अस्ति, यत् गत-दश-वर्षेषु त्रिगुणितम् अभवत्। तेन आरोपितं यत् एषा धनराशिः सम्यक् दिशि न विनियुक्तः। सः अवदत् यत् राजग-सर्वकारे सति प्रत्येकं रूप्यकस्य लेख: ग्राह्यः भविष्यति।

प्रधानमन्त्रिणा नारी-शक्तिकरणार्थं केन्द्र-सर्वकारस्य नीतयः अपि उल्लिखिताः, तथा उक्तं यत् अस्मिन् क्षेत्रे निरन्तरं कार्यं क्रियते। सहैव पश्चिम-एशिया-प्रदेशे वर्तमानस्य संघर्षस्य उल्लेखं कृत्वा तेन उक्तं यत् विदेशेषु स्थितानां भारतीयानां सुरक्षा सर्वकारस्य सर्वोच्च-प्राथमिकता अस्ति।

उल्लेखनीयम् अस्ति यत् केरल-राज्ये परम्परया वाम लोकतांत्रिक-मोर्चा तथा यूनाइटेड-डेमोक्रेटिक-फ्रंट-इत्येतयोः मध्ये एव सत्तापरिवर्तनं भवति, किन्तु अधुना भाजपाराज्ये तृतीय-विकल्परूपेण स्वस्य स्थितिं सुदृढां कर्तुं प्रयतते।

हिन्दुस्थान समाचार / अंशु गुप्ता