Enter your Email Address to subscribe to our newsletters
- संकल्पेन समाधानमिति कार्यक्रमे सम्मेलिष्यते, अमृत 2.0इत्येस्मिन् जल आपूर्ति परियोजनानां करिष्यते भूमिपूजनम्
भोपालम्, 29 मार्चमासः (हि.स.)।
मध्यप्रदेशस्य मुख्यमन्त्री डॉ. मोहन यादव अद्य रविवासरे इन्दौर-नगरस्य प्रवासे विविधेषु महत्त्वपूर्णेषु कार्यक्रमेषु सहभागं करिष्यति। अस्मिन् सन्दर्भे सः सिंहासा-आईटी-पार्के स्थापितस्य “लॉन्चपैड् : इन्क्यूबेशन एवं इनोवेशन-केन्द्रम्” उद्घाटयिष्यति।
तदनन्तरं मुख्यमन्त्री दशहरा-मैदाने आयोजिते “संकल्प-से-समाधान-अभियान”-कार्यक्रमे अपि भागं गृह्णीयात् तथा अमृत 2.0-योजनायाः अन्तर्गतं विविधासां जल-आपूर्ति-परियोजनानां भूमिपूजनं करिष्यति। सः अत्याधुनिक-सीवेज-ट्रीटमेंट-प्लाण्टसंयंत्रस्य लोकार्पणं अपि करिष्यति।
जनसम्पर्क-अधिकारी जूही श्रीवास्तव अवदत् यत् सिंहासा-आईटी-पार्के स्थापितं “लॉन्चपैड् : इन्क्यूबेशन एवं इनोवेशन-केन्द्रम्” आईआईटीआई-दृष्टि-सीपीएस-फाउण्डेशन तथा विज्ञान-प्रौद्योगिकी-विभागस्य मध्यप्रदेश-स्टेट-इलेक्ट्रॉनिक्स-डेवलपमेंट-कॉर्पोरेशन (एमपीएसईडीसी) इत्येतयोः संयुक्त-सहयोगेन स्थापितम् अस्ति। अस्य केन्द्रस्य उद्देश्यं डीप-टेक-नवाचारस्य प्रोत्साहनं, उच्च-प्रभावयुक्त-स्टार्टअप्स-वर्धनं, उन्नत-निर्माण-क्षेत्रे तथा उदित-प्रौद्योगिकीषु प्रदेशस्य सशक्तीकरणं, उद्योग-अकादमिक-जगतः मध्ये सहयोगस्य सुदृढीकरणं च अस्ति।
सा अपि अवदत् यत् मुख्यमन्त्री डॉ. यादव अस्य लॉन्चपैड्-केन्द्रस्य अवलोकनं करिष्यति तथा अत्र सञ्चालितानां नवाचार-स्टार्टअप-क्रियाकलापानां विषये अपि जानकारीं प्राप्स्यति। एतत् केन्द्रं मध्यप्रदेशं डीप-टेक-नवाचार-आधारित-विकासस्य तथा उद्यमितायाः अग्रणी-केन्द्रत्वेन स्थापयितुं महत्त्वपूर्णां भूमिकां निर्वहिष्यति।
“संकल्प-से-समाधान”-अभियानस्य विषये जनसम्पर्क-अधिकारी उक्तवती यत् मुख्यमन्त्री दशहरा-मैदाने आयोजिते कार्यक्रमे सहभागं कृत्वा हितलाभ-वितरणं करिष्यति। प्रदेशे १२ जनवरी-तिथेः आरभ्य ३१ मार्च २०२६ पर्यन्तं सञ्चालिते अस्मिन् अभियाने इन्दौर-जिले १,४४,९१२ आवेदनानां सफलतया निराकरणं कृतम्। अयं अभियानः चतुर्षु चरणेषु सञ्चालितः, यत्र ग्राम-पञ्चायत-स्तरात् आरभ्य जिला-स्तरं यावत् शिविराः आयोजिताः तथा शताधिक-सेवाः समाविष्टाः आसन्। समस्याः स्थले एव समाधानं प्राप्तवन्त्यः, यस्य फलस्वरूपं शासनस्य प्रति जनविश्वासः अधिकं सुदृढः अभवत्।
अमृत 2.0-योजनायाः अन्तर्गतं मुख्यमन्त्री नर्मदा-जल-प्रदाय-योजनायाः चतुर्थ-चरणस्य भूमिपूजनं करिष्यति। एषा परियोजना नगरस्य जल-आपूर्ति-व्यवस्थां भविष्य-आवश्यकतानुसारं सुदृढां करिष्यति तथा २०४० वर्षपर्यन्तं वर्धमान-जनसंख्यायाः अपेक्षां पूरयितुं सहायिका भविष्यति।
पैकेज-२ अन्तर्गतं वांचू-पॉइण्ट्-तः राऊ-सर्कल-पर्यन्तं प्रायः ३९ किलोमीटर-दीर्घा २२३५ मिमी-व्यासयुक्ता पाइपलाइन स्थाप्यते। सहैव प्रायः २८७० मीटर-दीर्घायां सुरङ्ग-निर्माणं क्रियते तथा राऊ-सर्कले क्लोरीनेशन-प्रणाली स्थाप्यते। अस्य व्ययः प्रायः ४४८.२३ कोटि-रूप्यकाणि अस्ति तथा ३० मासेषु पूर्णता अपेक्ष्यते।
पैकेज-३ अन्तर्गतं २० नूतनाः ओवरहेड-टैंकाः निर्मीयन्ते तथा २९ विद्यमान-टैंकावाहकानां सुदृढीकरणं क्रियते। सहैव २७.४ किमी फीडर-पाइपलाइन, ४.७ किमी ग्रेविटी-मेन-लाइन तथा ६८५ किमी वितरण-लाइनाः स्थाप्यन्ते। प्रायः १.२६ लक्ष-गृह-जल-संयोजनानि तथा १.०८ लक्षाधिक-जल-मीटराः स्थाप्यन्ते, येन २४×७ जल-प्रदायः सुनिश्चितः भविष्यति। अस्य व्ययः प्रायः ४१०.५० कोटि-रूप्यकाणि अस्ति तथा ३६ मासेषु पूर्णता भविष्यति।
पैकेज-४ अन्तर्गतं २० नूतनाः ओवरहेड-टैंकाः तथा ४६ विद्यमान-टैंकानां उन्नयनं क्रियते। सहैव २५.८२ किमी फीडर-लाइनाः तथा ८९२ किमी वितरण-पाइपलाइनाः स्थाप्यन्ते। अस्मिन् प्रकल्पे प्रायः १.२१ लक्ष-नूतन-गृह-संयोजनानि तथा १.६२ लक्षाधिक-जल-मीटराः स्थाप्यन्ते। अस्य व्ययः प्रायः ४९७.२३ कोटि-रूप्यकाणि अस्ति तथा ३६ मासेषु पूर्णता अपेक्ष्यते।
अन्ते, मुख्यमन्त्री सिरपुर-क्षेत्रे २० एमएलडी-क्षमता-युक्तस्य अत्याधुनिक-सीवेज-ट्रीटमेंट-प्लाण्टस्य लोकार्पणं करिष्यति। एषा परियोजना प्रायः ६२.७२ कोटि-रूप्यकैः निर्मिता अस्ति। अस्य अन्तर्गतं १० प्रमुख-सीवर-आउटफॉल-स्थानानि नियन्त्रितानि, येन अशोधित-सीवेज-जलस्य सरसि प्रवाहः निरुद्धः। परियोजनायां ८.५ किमी सीवर-लाइन, ५ किमी उपचारित-जल-पुनःउपयोग-लाइन तथा ०.५ एमएल-क्षमता-युक्तः ओवरहेड-टैंकः स्थापितः। अस्य माध्यमेन उपचारित-जलस्य उपयोगः नगरस्य प्रायः २५ उद्यानेषु हरित-क्षेत्रेषु च अन्येषु कार्येषु क्रियते।
---------------
हिन्दुस्थान समाचार