नवदिली, 29 मार्चमासः (हि.स.)। उत्तर-भारत-पोलो-चैम्पियनशिप-मध्ये अत्यन्त-रोमाञ्चक-क्रीडायाम् जिंदल-पैंथरः अन्तिमक्षणेषु अद्भुतं प्रत्यागमनं कृत्वा जयपुर-अचीवर्स-समूहं 9–8 इत्येतैः अङ्कैः पराजित्वा स्मरणीयं विजयम् अर्जितवान्। क्रीडायाः नायकः जुआन-ग्रिस-जावालेता, येन अन्तिम-संकेतक-क्षणे निर्णायक-गोल-इति कृत्वा समूहाय विजयः दत्तः।

क्रीडायाः आरम्भात् एव उभयोः समूहयोः मध्ये तीव्रा स्पर्धा दृष्टा। प्रथम-पर्याये अङ्कः 1–1 समतुल्यः अभवत्, यत्र नवीन-जिंदले पैंथराय समतुल्य-गोलं दत्तवान्। द्वितीय-चुक्करे जिंदल्-पैंथरः आक्रामक-क्रीडया 4–2 इत्यस्य अग्रतां प्राप्तवान्, यस्मिन् सिद्धान्त-शर्मा च जुआन-जावालेता च प्रमुखं योगदानं कृतवन्तौ।

तृतीय-चक्रे अलेजो-अरम्बुरुणः नेतृत्वे जयपुर-अचीवर्स अद्भुतं प्रत्यागमनं कृत्वा 5–4 कृतवन्तः। चतुर्थ-चक्रे क्रीडा अधिका मनोरञ्जका अभवत्, यत्र जुआन-जावालेता 5–5 कृत्वा समतुल्यं कृतवान्, परन्तु ततः अचीवर्स सततं गोल-द्वयं कृत्वा पुनः अग्रतां प्राप्तवन्तः।

पञ्चम-चक्रान्ते जयपुर-अचीवर्स 8–5 इत्यस्य अग्रे स्थितः, क्रीडा प्रायः तेषां नियन्त्रणे एव दृश्यते। सवाई-पद्मनाभ-सिंहः अपि गोल-कृत्वा समूहस्य अग्रताम् दृढीकृतवान्।

अन्तिम-चक्रे जिंदल-पैंथरः सम्यक् प्रत्यागमनं कृत्वा, रामिरो-जावालेता च जुआन-जावालेता च गोल-माध्यमेन 8–8 अङ्कं कृतवन्तः। अन्तिम-क्षणेषु पैंथराय पेनल्टी प्राप्ता, यां 29 पलासु शेषे जुआन-ग्रिस-जावालेता सफलतया गोल-इति कृत्वा समूहाय 9–8 इत्यस्य विजयम् दत्तवान्।

जावालेता क्रीडायाम् पञ्च गोल-इति कृत्वा उत्कृष्टं प्रदर्शनं कृतवान्, रामिरो-जावालेता गोल-द्वयं, नवीन-जिंदलः एकं कृतवान्। जयपुर-अचीवर्स-इत्यस्य कृते अलेहो-अरामबुरु पञ्च गोल, डैनियल-ओटामेन्दी द्वयं, सवाई-पद्मनाभ-सिंहः च एकं कृतवान्।

क्रीडायाः अनन्तरं नवीन-जिंदलः समूहस्य उत्साहं प्रशंस्य उक्तवान् यत् अन्तिम-चक्रे 8–5 इत्यस्य पश्चात् अपि समूहः स्वविजयाय विश्वासम् अधारयत्, तथा क्रीडकाः उत्कृष्टं संयमं दर्शितवन्तः।

तेन उक्तं यत् पोलो भारतदेशस्य विश्वे प्रदत्ता महत्त्वपूर्णा क्रीडा, यां संवर्धयितुं सततं प्रयासाः क्रियन्ते। भविष्ये पोलो ओलंपिक-क्रीडायाम् पुनः सम्मिलितः भविष्यति इति अपि आशां व्यक्तवान्।

हिन्दुस्थान समाचार / अंशु गुप्ता