Enter your Email Address to subscribe to our newsletters
औरैया, 29 मार्चमासः (हि. स.)।
उत्तरप्रदेशस्य औरैयाजनपदस्य अजीतमल-तहसील-क्षेत्रे ग्रामे शाहपुर-तुमरिहा इत्यत्र गतपञ्चाशद्वर्षेभ्यः परम्परागत-रामलीलाया आयोजनं क्रियते। अस्मिन् द्विदिवसीये श्रीरामलीला-समारोहे धनुषभङ्ग-लीला तथा परशुराम-लक्ष्मण-संवादस्य भव्यं मंचनं कृतम्।
कार्यक्रमं द्रष्टुं श्रद्धालवः रात्रेः आरभ्य प्रभातकालपर्यन्तं तत्रैव स्थितवन्तः। कलाकाराः स्वस्य सशक्ताभिनयेन भगवान् श्रीरामेण शिवधनुषः भङ्गस्य प्रसङ्गं सजीवम् अकुर्वन्, येन सम्पूर्णः पण्डालः जय श्रीराम इति घोषैः निनादितः अभवत्।
अनन्तरं परशुराम-लक्ष्मणयोः मध्ये सम्पन्नः संवादः दर्शकानां विशेषाकर्षणस्य केन्द्रं जातः। लक्ष्मणस्य ओजस्विनी वाणी तथा परशुरामस्य तेजस्वी रूपं कलाकारैः प्रभावशालिन्या शैलीया प्रस्तुतम्।
अस्मिन् अभिनयसमारोहे रामस्य भूमिकायां गुंजनरामजी, लक्ष्मणस्य रूपेण रमाकान्त-त्रिपाठी, परशुरामस्य रूपेण अनिल-दुबे, जनकस्य रूपेण चन्द्रकान्त-भदौरिया, रावणस्य विश्वनाथः, वाणासुरस्य रामपालः, हास्य-मनोरञ्जने पंकज-टकोरा, निशा, कामिनी च इत्यादयः कलाकाराः सन्तः जनान् प्रभातकालपर्यन्तं पण्डाले स्थितुम् प्रेरितवन्तः।
आयोजन-समितेः पदाधिकारिणः गजेन्द्रसिंहः, शिववीरसिंहः, उपेन्द्रसिंहः, राघवेन्द्रः, सोनू, रविन्द्रसिंहः, जयपालः, हरिओमः, विजयपालः, सुरेन्द्रः, हरेंद्रसिंहः च अवदन् यत् रामलीलाया माध्यमेन समाजे धर्मस्य, मर्यादायाः तथा आदर्शजीवनमूल्यानां सन्देशः प्रदीयते।
तस्मिन् कार्यक्रमे क्षेत्रस्य शतशः श्रद्धालवः उपस्थिताः आसन् तथा सर्वे जनाः लीला-प्रस्तुतिं प्रशंसितवन्तः।
---------------
हिन्दुस्थान समाचार