Enter your Email Address to subscribe to our newsletters
सीतापुरम्, 29 मार्चमासः (हि.स.)। सीतापुर-जनपदस्य पकरिया-धापूपुर-निवासी २३ वर्षीयः ‘अग्निवीर’ इन्द्रजीत-गुप्तः जम्मू-कश्मीरस्य कुपवाड़ा-प्रदेशे कर्तव्य-निरतत्वेन आकस्मिक-उरःपीडया उपचार-क्रमे निधनं प्राप्तवान्। रविवासरे तिरङ्ग-पटे आवृतं तस्य पार्थिव-शरीरं ग्रामं प्राप्ते सति समग्रः क्षेत्रः शोक-गौरव-भावेन निमग्नः अभवत्।
राजकीय-सम्मानेन तस्य अन्त्येष्टि-क्रिया सम्पन्ना। मद्रास-रेजिमेण्ट-इत्यस्य सैनिकाः नत्वा अन्तिम-विदायं प्रदत्तवन्तः, प्रशासनिक-अधिकारिणः जन-प्रतिनिधयश्च पुष्पाञ्जलिम् अर्पितवन्तः। “भारत-माता-की-जय” इत्यादि घोषैः सह सहस्रशः जनाः अन्तिम-दर्शनार्थं समागताः आसन्।
अन्तिम-यात्रायां ग्रामवासिनां भावनात्मकं दृश्यं दृष्टम्, यत्र जनाः तस्मै स्कन्धं दातुम् उत्सुकाः आसन्। परिजनेषु अपि दुःखेन सह गौरव-भावः दृष्टः, पित्रा उक्तं- “मम पुत्रः देशस्य कृते जीवनं समर्पितवान्” इति।
हिन्दुस्थान समाचार / अंशु गुप्ता