पटना, 30 मार्चमासः (हि.स.)।

बाङ्कीपुर तथा बिहारस्य मम सर्वे परिवारजनाः कार्यकर्तारः च,

जनवरी मासे 2006 तमे वर्षे पितुः आकस्मिक निधनस्य अनन्तरं दलस्य मया पटना-पश्चिम-क्षेत्रात् उपनिर्वाचनं कर्तुं अवसरः प्रदत्तः। 27 अप्रैल 2006 तमे दिने अहं प्रथमवारं पटना-पश्चिम-क्षेत्रात् निर्वाचितः अभवं तथा सामाजिक-राजनीतिक-जीवनस्य आरम्भः अभवत्।

अतीतेषु विंशतिवर्षेषु मया पितुः स्वर्गीय नवीन किशोर प्रसाद सिन्हा द्वारा निर्मितम् एतत् क्षेत्रं पारिवारिकभावेन पोषितम्, संवर्धितम्, तथा विकासस्य पथे अग्रे नेतुं निरन्तरं प्रयत्नः कृतः।

अहं सदैव मम क्षेत्रस्य बिहारस्य च विकासाय समर्पितभावेन कार्यं कृतवान्। तस्य एव फलस्वरूपं अत्रस्थाः देवतुल्याः जनाः मां पञ्चवारं निरन्तरं सभायां प्रतिनिधित्वाय निर्वाचितवन्तः। सभायाः अन्तः वा बहिः वा, उभयत्रापि मया मम क्षेत्रस्य बिहारस्य च जनानां स्वरं उद्घोषयितुं तेषां समस्याः समाधानं च कर्तुं प्रयत्नः कृतः।

बिहार-विधानसभायाः सदस्यत्वेन मम सत्ता-पक्षस्य विपक्षस्य च अनेकैः वरिष्ठैः विधायकैः सह बहु शिक्षितुं अवसरः प्राप्तः। मया मम क्षेत्रस्य अनेकाः महत्वपूर्णाः विषयाः जनानां कार्यकर्तॄणां च सुझावैः एव समाधानं प्राप्तवन्तः।

माननीय-प्रधानमन्त्री श्री नरेन्द्र मोदी जी तथा माननीय-मुख्यमंत्री श्री नीतीश कुमार जी इत्येतयोः नेतृत्वे दलस्य मया बिहार-सरकारे मन्त्रीरूपेण कार्यं कर्तुं अवसरः प्रदत्तः। तदा मया अनेकाः महत्वपूर्णाः निर्णयाः नीतयः योजनाश्च सफलतया कार्यान्विताः। तस्मात् अहं माननीय-मुख्यमन्त्रिणे धन्यवादं प्रकटयामि।

मया सदा उक्तं यत् जनाः मम समीपे समस्याः अपि उक्तवन्तः, तासां समाधानमार्गं अपि दर्शितवन्तः। कार्यकर्तारः मां भ्रातरं परिवारस्य सदस्यं अभिभावकं च इव मार्गदर्शयन्तः अद्यतनस्थितिं प्रति नीतवन्तः।

अहं पटना-बिहारयोः जनान् आश्वासयामि यत् यः पारिवारिकभावः तेभ्यः मया प्राप्तः, तस्य सम्मानः मया सर्वदा करिष्यते।

अद्य अहं बिहार-विधानसभायाः बाङ्कीपुर-निर्वाचन-क्षेत्रात् निर्वाचित-सदस्य-पदात् त्यागपत्रं ददामि। दलस्य या नवीना भूमिका मया स्वीकृता, तस्य माध्यमेन अपि अहं मम क्षेत्रस्य बिहारस्य च विकासाय सदैव तत्परः संकल्पितश्च भविष्यामि।

मम कार्यकर्तॄणां बिहारस्य जनानां च सह मम अटूटः सम्बन्धः सर्वदा स्थास्यति, यः मां नूतन-ऊर्जा-प्रेरणा-मार्गदर्शनं च दास्यति।

माननीय-प्रधानमन्त्री श्री नरेन्द्र मोदी जी इत्यस्य नेतृत्वे 2047 तमे वर्षे विकसित-भारत-विकसित-बिहारस्य स्वप्नस्य साकारणाय अहं निरन्तरं प्रयत्नशीलः भविष्यामि।

नमो नमो बाङ्कीपुर! जय बिहार!

---------------

हिन्दुस्थान समाचार