Enter your Email Address to subscribe to our newsletters
बिलासपुरम् 30 मार्चमासः (हि.स.)।
छत्तीसगढ़-राज्यस्य बिलासपुर-जिलायाः बिलासा-देवी-केवट-विमानस्थलात् रविवासरस्य रात्रौ उड्डयन-सेवायाः ऐतिहासिक-आरम्भः अभवत्। मुख्यमन्त्री विष्णुदेवसायः रात्रिकालीन-परिचालनस्य लोकार्पणं कृतवान्, तस्मिन्नेव काले सः स्वयम् प्रथमया रात्रि-उड्डयन-सेवया रायपुर-नगरं प्रति प्रस्थितः। विधायकः धर्मजीतसिंहः अपि मुख्यमन्त्रिणा सह रात्रिकाले उड्डयनेन रायपुरं गतवान्।
उल्लेखनीयम् यत् विमानस्थलस्य 3C VFR इत्यस्मात् 3C IFR श्रेणीं प्रति उन्नयनार्थं कुलं 31 कोटि 1 लक्ष-रूप्यकाणां व्ययेन कार्यं कृतम्। अस्य उन्नयनस्य अनन्तरं Directorate General of Civil Aviation (DGCA) इत्यनेन 6 फरवरी 2026 दिने 3C IFR तथा रात्रि-परिचालनस्य अनुमतिः प्रदत्ता।
अस्य समारोहस्य अध्यक्षता केन्द्रीय-राज्यमन्त्री तोखनसाहुः कृतवान्। अस्मिन् अवसरे विशेषतया विधायकाः धरमलालकौशिकः, अमरअग्रवालः, धर्मजीतसिंहः, सुशांतशुक्लः तथा महापौरः पूजाविधानी उपस्थिताः आसन्।
मुख्यमन्त्री सायः स्वस्य संबोधने एतां उपलब्धिं योजनाकाराणां, तांत्रिक-दलस्य, विमानस्थल-कर्मचारिणां तथा स्थानीय-प्रशासनस्य संयुक्त-प्रयत्नस्य फलम् इति अवदत्। तेन उक्तं यत् रात्रिकालीन-उड्डयन-सेवा आरब्धा सती बिलासपुरस्य दीर्घकालिकां अपेक्षां पूरयति। अस्य कृते जनप्रतिनिधयः नागरिकाश्च बहु प्रयासं कृतवन्तः। सः सर्वेभ्यः कृतज्ञतां प्रकटयन् अवदत् यत् एषा सुविधा बिलासपुरस्य विकासे मील-स्तम्भः भविष्यति।
रात्रि-उड्डयन-सेवायाः आरम्भेन अधुना नियत-अनियत-उड्डयानि सह आपत्कालीन-चिकित्सकीय-उड्डयानि अपि रात्रौ सञ्चालयितुं शक्यन्ते, येन जीवन-रक्षक-सेवाः अधिकं प्रभाविन्यः भविष्यन्ति। उत्तमेन वायु-संयोजनेन व्यापारः, पर्यटनं निवेशः च वर्धिष्यन्ते तथा क्षेत्रीय-विकासः नूतन-गत्याः लाभं प्राप्स्यति।
मुख्यमन्त्री नागरिकान् एतस्याः नवीन-सुविधायाः अधिकतमं लाभं ग्राहयितुं आह्वानं कृत्वा सर्वेषां यात्रिकाणां सुरक्षितां सुखदां च यात्रां कामितवान्। एषा ऐतिहासिकी पहल बिलासपुरं राज्यस्य प्रमुख-विमान-केन्द्रेषु स्थापयितुं महत्त्वपूर्णः चरणः इति मन्यते।
समारोहे केन्द्रीय-राज्यमन्त्री तोखनसाहुः अपि संबोधितवान्। तेन बिलासपुर-जनतां एतस्याः उपलब्धेः अभिनन्दनं कृतम्। सः अवदत् यत् बिलासपुर-विमानस्थले विविधाः सुविधाः विकसिताः सन्ति, रक्षामन्त्रालयात् भूमिः अपि प्राप्ता अस्ति। नरेन्द्र मोदिनः “हवाई-चप्पल-धारिणः अपि विमानयात्रां कुर्वन्तु” इति स्वप्नं अधुना साकारीभवति।
हिन्दुस्थान समाचार